Baby lo on era uzten

Hil arte bizi

2012-01-21T13:14:00.000-08:00

Antzerkia.
Ondo pasatu genuen,
Lizeo antzokia bete-beteta.
Arrakasta.

Koloretsua, bizia,
euskaraz aberatsa, bizkorra, arina, jatorra,
hizketan entzutearekin gozatzeko modukoa.

Aktoreak bi: Iker Galartza (itzultzailea, dotore)
eta Joseba Usabiaga. Eta aktoresa: Sara Cozar.
Lan ona.

Gaia: interesgarria.
Desioa, desio anitza, triangelua,
eta baita adiskidetasuna, zeloak...

Are interesgarriagoa izan zitekeen. Ausartagoa.
Posesioa, propietatea eduki, jabetasuna eman.

Bukaera: penagarria.
Desio anitzean hasi eta
amabirgina,
zeruan bukatzen duen
emakume martiria.

Ez hanka, ez buru,
egunerokoan "n" aldiz pizten den desio mozorrotua,
edo desioak matrimoniora egiten duen bide labana,
muturreraino eraman eta
amatasunez disfrazatu beharra.

Ze amatasun mota berezia:
norberak zainduko ez duen haurra,
haurraren desiorik sentitzen ez duten bi "aitei"
enpaketatua.
Eta ama martiriaren izen bera jarri gainera:
Maria.

Ezkerrak ez dela sinesgarria; bestela
makinatxo bat diru gastatuko zukeen terapietan
benetan horrela sortutako alaba Maria birjina,
desioz garbiak.

Ezkerrak ez dela sinesgarria.
Alu "aluak" ematen dizkion buru hauste
gezur eta manipulaziorako aukerak.

Ongi etorri, biodesioaniztasun.
Agur, Ama Maria bajina.

Yoga = Jabe

2011-12-04T19:04:00.000-08:00

Yogak gorputz eta gogoaren jabe izatearekin du zer ikusi.

Nor bere buruaren jabe izatearekin.

Jabe izate horretara iristeko, Yogak meditazioa erabiliko du tresna.

Meditatzeko, bestalde, barne isiltasuna lortzea, ezin besteko.

Jabe, “llave”, klabe.

Artikulu hau idazterakoan, Karlfried Graf Dürckheim-ek “Zer.aren erdigunean” liburuan inspiratuta, berak egiten duenaren antzera egingo dut: zenbait gai edo klabe agertuko ditut, eta bakoitzaren inguruan hausnarketa egin.

Isiltasuna.

Isiltasuna Yoga-jabe estadu/egoeran jarriko gaituen meditazioaren atari da. Baserriko atari edo etartearen antzera. Isiltasun hori ez da mutua. Ez da inolaz ere, askotan entzun behar izan dugun bezala “mente en blanco” kontzeptua. Pentsa-gailuaren jarioa gelditzea ezinezkoa da, burutik gaixotzea litzateke. Pentsa-gailua gelditu ezkero lerdotu egiten da. Pentsatu bai, baina aldez aurretik jarritako pentsamentu jakin bat.

Otoitza.

Probokazioa da, gure baitan jabetzeko gai den hori esnarazteko deia edo, are gehiago, deiadarra. Otoitza tresna izango litzateke, bideragailu, gogoa iratzar erazte aldera bideratuko duena; asmoz beterik egiten den otoitzak iratzaraziko du nere baitan jabetzen den hau..

Meditazioak noiz hartuko prest.

Isiltasunean otoitz egin eta meditazioak hartuko gaitu, ala ez gaitu hartuko, baina gu hortxe, loarekin bezela, hartuak izateko prest.

Meditazioa: oinarrizko praktika. (20 min.)

0. Eseri, toki lasai batean eta begiak itxi.

Postura: gorputza tinko eta aldi berean lasai. Jarrera fisikoa, atseginaren eta ahaleginaren tarteko oreka. Gorputzean zeharreko errepasoa egin: oinak lasaitu, belaunak ere, ipur-masailetako hezurrak (iskioiak) ondo pausatu, bizkarra zuzen, sorbaldak lasaitu, besoak eta eskuak ere. Burua zuzen; bekokia, begiak ahoa eta okotza lasaitu. (Postura errepasatzen, 2 min.)
Arnasketa: sakon hartu ta astiro bota; sudurretik hartu, sudurretik bota. Sabela globo/puzgarri bat balitz bezala: bete eta bota; puztu eta hustu.

Arnasa ateratzen den bakoitzean gorputza sakonago, astunago pausatu, aldi berean bizkar hezurra zuzen mantenduz eta buru-tontorra altu. Zenbat eta tarte gehiago izan buru-tontorretik ipur-ttuntturrera, orduan eta energi gehiago sor araziko dugu, ur jauzietan bezela.

Bularraren erdi-erdian eguzki eder bat irudikatu. Ahuzpoarekin bezala, eguzki-su hori arnasa hartzean bizkortuz dihoala irudikatu; arnasa botatzean zabalduz, argitasuna, berotasuna eta indarra irradiatuz. (Arnasketan, 5 min.)

Arreta: begirada bekain tartean jarri, bi begiak sudur puntarantz okertuz, eta aldi berean begietako tentsioa askatuz. Begietako “tala”tik begirada bekain-tarteko “hortzmugan” pausatzean, norberaren ikuspegi orokor bat lortzen dugu. Bekain-tarteko izpilu “retrobisore”an benetan nor naizen jakiteko aukera daukat; nigan aldatzen ez den hori, behingoz, ezagutzeko parada. Pentsamenduen pantaila garbitu eta bateria berkargatzeko momentua; sakon-sakoneko iturri gardenean murgildu eta asetzeko unea. (2 min. eta hortxe eutsi)
Mantra: arreta mantendu eta energia norbere ardatzerantz bideratzeko, pentsamentu baten errepikapena. Sanskrito hizkuntzean izaten dira. Hemen proposatzen ditugunak:

- Hasiera batean: “Izan, naiz”. IZAN, arnasa hartzean; NAIZ, botatzean.

- Aurrerago: “Jabetzen den hau, hauxe naiz ni”.

JABETZEN DEN HAU, arnasa hartzean; HAUXE NAIZ NI, botatzean.

108 aldiz errepikatzen da, arreta osoa esanahiean jarriz. Kontua eramateko “mala” bat erabiltzen da, 108 bola dituen lepoko moduko bat; edo errosario batek 54 izaten dituenez, bi buelta emanez. (Mantra errepikatzen, 5 min.)

Kolunpioa. Kolunpiatzen ari garela irudikatu: oinak bekain tartetik atera eta atzerantz goazela, burua altxatuz, energiak bekain-tartetik buru-tontorrera jauzi egiten duela irudikatu. (Tilin-talan, energia sibuan: 2 min).
BAT: Ondoko sekuentzi hau errepikatu, esan nahiean murgilduz:

“Bat egiten dut izaDIaz.

Bat naiz nire baitan izaTE hutsaz.

Bat, ez dago banatzerik”.

(Bat.asunaren sekuentzian, 2 min.)

ON (edo OM) hitza hiru aldiz errepikatu. Soinu berezi honek lasaitu egiten gaitu, eta barnean lortu dugun goi mailako bibrazio fin hori norbere osotasunera egiten du zabaldu. Ama Lurraren bihotzean hasi eta, astiro, bizkar hezurrean gora, zeru zabalaren bihotzeraino igotzen ari den suge bizi lasai bat bezala irudikatu.

Ozenki zein isilpean. (On/om, 2 min.)

Meditatu bai, baina zertarako?

Meditatzen eseri garenean zeren bila gabiltzan ez badakigu, alper-alperrik gabiltza.

Beraz, lehenengo asmoa jarri, gerora asmatu ahal izateko. Horri, helburua beti present edukitzeari, Yoga zientziak “Samia” deitzen dio.

Yogaren helburua ZERa da: gure baitan, jabetzeko gai den ZER hortaz jabetzea.

Pentsamentuak pentsatzeaz gain, emozioak sentitu eta desioak desiratzeaz gain, ekintzak egiteaz gain, bada beste zerbait gure baitan, guzti honetaz jabetzen den zera. Horixe da hain zuzen ere Yoga-ren helburu eta esparrua: jabetzea, eta gehiago zehaztuz, gure baitan jabetzen den edo jabetzeko gai den ZER hortaz jabetzea.

(H)un “y” bertse.

Unibertsitate hitza, hemen, gure azalpenerako adierazgarriago suertatuko zaigun beste modu batean idatziko dugu: un “y” bertse. Edo agian hobe, “(H)un y bertsitate” idatzita, Iparraldean “un” erroak H hori oraindik ere atxikitzen bait du ahoskatzean. (H)un erroak euskeraz hiru esanahi behintzat baditu: 1. Denbora: instantea. “Une honetan asko dira izpiritualitateren jakin mina piztu zaienak”. 2. Espazioa: puntua, erdia. “Hirigunera joateko, errotondan ezkerretara” (une=gune). 3. Muina: bizkar hezurraren barrukoa, “Hazurren unék oso gusto ona emoten dautso saldeari”. (H)un ahoskatzean, H hori aspiratzeak, bizkar-hezurrean /unean /gunean /muinean gora egiteko gogoa pizten didala esango nuke.

ZER jabetu zerTAZ.

Linternaren irudiak ere ba du bere zer esana. Piztean, linternaren argia, fokoa alegia, litzateke jabetzen dena (gaztelerazko “la conciencia”), eta argitutakoa zertaz (“ser conSciente de...”). Horregatik zehaztu dugu goian: gauza bat da jabetutakoa, hau da, ZERtAZ jabetu, eta beste bat jabetzen dena, nor edo ZER jabetu, eta horixe da Yoga-zientziaren aztergai eta muina.

Yoga, zientzia.

Yoga-zientzia hitza erabili ohi da aditu/arituen artean, hau da, 5.000 urteotan jakituri hau ahoz-aho jaso eta praktikatu izan dutenen artean, hain zuzen ere, pertsona ezberdinek, sasoi eta egoera ezberdinetan, metodo bera praktikatuz, emaitza berberak lortzen dituztelako.

“(H)un y bertse” ideiara bueltatuz, (h)un litzateke Yogari dagokiona, jabetzen den hori nire baitan, une honetan, gunean eta muinean aurkituko dudalako bakar-bakarrik eta aldi berean jabetzen den ZER horrek egingo diolako ardatz ZERbaitETAZ jabetze prozesuari; “bertse”a beste zientzi eta jakintza arlo guztiek jorratzen dutena litzateke, hau da, zertaz jabetu gaitezkenaren barruan zabaltzen den dena.

Yoga-zientziaren hiru zientzi arloak.

Yoga-zientziak hiru arlo lantzen ditu, beti ere nik neuk edandako “Sanatana Dharma” eskolako iturri den Madhava maixuaren arabera. Gehien batean bat nator “Sanatana Dharma” eskolako irakaspen eta iritziekin, batez ere, ipar-orratz gisa erabili izan ditudan azken 20 urteotako ibilbidea asko estimatzen dudalako.

3 zientzi arlo horiek honako hauek dira:

- Bide.zihorraren zientzia: non hel.burua eta eboluzio prozesua den ibil.bidea pausoz pauso aztertzen den.

- Meditazioaren zientzia: ibil.bide horretan esparru bakoitza zeharkatzeko trebatu beharrekoak, hau da, erabilgarri izango ditugun teknikak.

- Zer.bitzuaren zientzia edo “zer.bizia”rena: nola bizi, nola gauzatu egunerokoan eta garaian garaikoan, “gure baitan datzan eguzki” hori, J.A.Artze-ren metafora erabiliz, eta batez ere nire.tik gure.ra pasatzeko bidea, jabetzen den ZER horrek ez bait du “nire” eta “gure” artean mugarik ezagutzen, izaKIa eta izaDIa biak ala biak ZER berberak bizten (edo bizi.tzen) dituen bezalaxe.

Zerbitzuak berak ere gorputz edo ekin.gailuaren lantzeko beharrera garamatza, minez dagoen gorputzak murriztuta bait dauka bere ekiteko gaitasuna eta beraz besteei lagunduz GU horretan eraginkor izatekoa.

Bizitzaren jomuga.

Madhavak baditu bi galde-erantzun nire ustez bizitzan kokatzeko baliagarri direnak:

Zein da bizitzaren jomuga (gazteleraz“ la meta”), galdetzen du.
Zer.ean bete betean asmatzea, (“la realización del ser”), erantzuten du.

Eta,

Zer da ZER hori (“el ser”)? galdetuko du jarraian.
Jabetzen den hori (lekukoa), erantzungo.

Hori litzateke, beraz, bizitzearen zertarakoa: gure baitan jabetzen den hori, konturatzeko gai den eta konturatzen den barne lekuko hori esnatzea, eta muin horretan irautea, izatea, bete-betean, unean gunean, gero eta gehiagotan.

Jabe.g.une.

Bizitzaren jomuga, laburbilduz, une bakoitza jabegune bihurtzea litzateke,

uneoro nire baitan jabetzen ari den honetan bete betean kokatzea, asmatzea.

Hasiera batean “jabe.g.une” hauek, meditazio praktikak egiten eserita gaudela lortuko ditugu bakarrik, eta norbaiten laguntza (trasmisioa) beharko dugu zihur aski, irakasle batena, zehatz-mehatz zeren bila gabiltzan asmatu arte.

Hortik aurrera, meditazioa bizitzeko jarrera bihurtuko dugu, egunean 24 orduz.

Iz.pi.rientziak.

Hipotesi honen barruan, jabetzen den horretan une oro izatera iristen naizenean amaitzen da gizaki gisa bizitzeko garaia, eta beraz ber.gizatu edo re.en.karna.tu (ber.haragi.tu) beharra.

Barne esnatze prozesu hori eguneroko esperientzi (izpi.rientzi) guztiekin dago lotuta, erabat; izpi.rientzi bakoitza ZERbaiteTAZ konturatzeko, jabetzeko, ohartzeko zait baliagarri, eta horrela, behin eta berriz konturatuz, konturatzeko-jabetzeko gai den “gihar” hori ari naiz sendotzen, eta gero eta nabarmenagoa zait nire baitan badela ZERbait jabetzen dena.

Eboluzio legeak

Karma: bizi ditugun izpirientzi hoiek ez datozkigu kasu.alitatez, kausa.litatez baizik.

Baratzean bezala; uzta garaian patatak jasotzen baditugu, ereiteko garaian haziak patatak izan zirenaren seinale da, eta ez dago beste bueltarik. Berdin beldur, gorroto, maitasun edo irainekin.

Izpirientzi horiek hari.mehe batean datoz lotuta, gure arimeak banan-banan aukeratuta edo “sukaldatuta”, gu ZERbaitETAZ jabetu gaitezen, Andereño Mari Bizi-ren eskola-gimnasioan JABEtzearen “giharra” garatu dezagun.

Dharma: errekan hosto bat bota eta hostoak ez du sekulan ere errekan gora egingo, beti itsasorantz, errekako urak horrela egiten bait du munduko edozein errekatan. Dharmaren legeak zera diosku: bizitzak ere, errekako urak bezala, baduela NORAbide bat, eta norabide hori ZERa dela, JABEtzea.

Ber.gizaketa: ZERtzeko, JABEtzeko bide hori etengabekoa dela eta, guk “bizitza” esaten diogun hau, apenas dela hasierarik eta amaierarik gabeko bizitze prozesu baten kapitulu bat.

Bizi: uneka.

“Dagoeneko usteldu da lehena; berde dago, ordea, etortzekoa dena. Oraina da txirimoia heldua, ahoan urtzen dena; bihar-etziko ametsetan desiratuko dudana” kantatzen dut “Txirimoia” izeneko kantuan. Eta halaxe da, amaigabeko eta etengabeko orain bat, une bat. Bizi: unean, gunean, muinean bizi gara; besteak ametsa, oroitzapena, irudikapena izan daitezke, baina ez ditugu bizi. Bizitzaren tarifazioa, uneka egiten da eta aldi berean une oro daukagu bizi berri bat hasteko aukera.

Oheratzean, egunean zehar honelako bizpairu une bete-betean bizi izan ditugunean, egun ederra, sakona, betea izan dugula sentitzen dugu, bizitzeak merezi duela.

Egun osoan atzera eta aurrera, gure pentsamendua iraganetik etorkizunera joan-etorri zoro batean ibili denean, bizitzak ez du zentzurik eta jasan gaitza egiten zaigu. Lehertuta sentitzen gara.

Gizakiaren egituraketa.

Aurrerantz egin ahal izateko ezinbestekoa dugu gure izaTEa eta izaKERA ulertzea. Horretarako urkulketa egingo dugu, artogaraunekin egiten den bezala, edo aditzak aztertzen ditugun antzera. Atalak ezberdindu egingo ditugu, baina kontutan izanda ulertzeko egiten dugula horrela, berez, bizitzan ez bait dago berezko bereizketarik.

Kanpotik barrurantz hasita, honako esparru hauek aurkituko ditugu: fisikoa, emozionala, mentala, kausala eta izpirituala.

EKIN.GAILUA, fisikoa.

Lehenengo eta behin, eta kanpotik barrurantz hasita, gorputza aurkituko dugu, fisikoa, ekin.gailua. Era arruntean mintzatzen garelarik “gorputza” esaten dioguna. Teknikoki, hau ez ezen, besteak ere “gorputzak” dira, (“kosha” sankritoz), geruzak balira bezala, ZERa, izpiritua, inguratzen duten azalak. Fisikoa litzateke azalekoena. Ekin.gailu esaten diogu, gorputz baten benetako balioa, itxuraz harago, ekiteko duen gaitasuna baita.

Ekin.gailuaren ahotsa sensazioak dira: tentsioa/nasaitasuna, mina/plazerra, hotza/beroa, gozoa/mingotsa, etab. Gorputza tentsioz josita edo minez karrazika daukagun bitartean edo, besterik gabe, hotz garenean, oso saila egingo zaigu meditatzeko beharrezko dugun barne isiltasun hori lortzea.

Hotz/bero, min/gozo... sentsazioen bitartez mintzo da.

Eta baita instintoez ere: bizi, iraun, ugaldu.

NOLA OREKATU ekin.gailua?

Luzaketa eta asanak.

Luzaketa eta asanak (jarrera edo posturak)(1) erabiliko ditugu gorputzeko tentsioak askatzeko, gure berezko bizitasun bizi-poza ekin.gailuan zehar askatasun osoz barreiatu dadin, gorputzeko azken txokoraino zabalduz.

Meditazio saioak prestatzeko, beraz, luzaketa ariketaren batzuk eta zenbait asana (postura) egingo ditugu, meditatzen dihardugun bitartean gorputza, gure arreta erakartzeko beharrik gabe, lasai egon dadin.

SENTI.DESIRA.GAILUA, emozionala.

Tentsio fisikoen jatorria ardura, beldur, samin, haserre, bekaizkeria, gorroto, zelo, erresumin, tristura eta abarretan datza; hauez gainera lagungarri eta gozagarri diren beste batzuk ere baditugu: samurtasuna, esku-zabaltasuna, eta abar. Guzti hauek emozioak dira.

Sekuentzia honako hau da: 1)pentsamendu bat pasatzen da gure buruko barne pantailan, eta halako edo holako emozioa eragingo. 2)Emozio jakin horrek dagokion desioa piztuko du. 3) Desioak ekin.gailua mugi eraziko, nahi duen hori lortu ahal izateko.

NOLA OREKATU senti.desira.gailua?

Arnasketa

Arnasketa sakonak erabiliko ditugu, amai gabeko jira sekuentzi horretan eten bat eragiteko asmoz, saski-baloiko partiduan entrenatzaileak jokua berrantolatzeko tarte bat eskatzen duen antzera. Non nahi eta nola nahi egonda ere, arnasketak pentsa.gailua honaxe etor eraziko du, ezinezkoa baita sakon arnasten ari garela beste edozer pentsatzea.

Horixe da, hain zuzen ere, meditatzeko behar duguna: pentsa.gailuaren ahots diren pentsamenduak geldi eraziz, senti-desira.gailurantzko emozio-desio sekuentzi hori geldi eraztea eta, hortaz, ekin.gailua bera ere bare eta lasai mantentzea.

Pranayama

Arnasketa motak ugariak dira eta bakoitzak eragin jakin bat dauka. Pentsamenduaren uhalak(riendak) hartzeaz gain, energia (prana) bideratzeko ere erabiliko ditugu: “energiak pentsamenduari darraikio”.

Meditatzeak dual.itatetik un.inatera salto egitearekin du zer ikusi, eta orekak perfektua behar du izan lortu nahi badugu. Adibidez, meditatzeko ezin bestekoa da gorputzaren eskuin/ezker bi aldeen arteko oreka bilatzea, pila baten bi poloen antzera, desorekak energia batetik bestera mugi erazten duelako. BInariotik BATasunera.

PENTSA.GAILUA, mentala.

4 dira dituen departamentuak: 1)Oroimena, 2)Adimena, 3)Irudimena, 4)Fantasia. Oroimenak iraganarekin du zer ikusi, 2) Adimenak orainarekin; heltzen zaion informazioa aztertu egiten du, datu-basean daukanarekin konparatu eta iritzi edo arrazoi bat ematen du. 3) eta 4) etorkizunarekin dute zer ikusi; bata benetazkoa, Irudimena eta bestea faltsua, Fantasia.

NOLA BARETU pentsa.gailua?

Pentsa.gailua baretu bai baina ezin da gelditu, ez da gelditu behar. Pentsamentu jakin bat aukeratuko dugu: arnasa,mantra, bekain-tartea, bihotzeko eguzkia, harrikoa egiten ari banaiz eskuan daukadan edalontzia,...

Arreta piztuz: orain eta hemen. Zertan ari naizen, horretan jarri arreta, konzentrazio guztia.

Bekain-tarteko begirada.

Begia eta pentsa.gailua guztiz daude lotuta; pentsamentu bakoitzak begi mugimentu bat dakar. Aldi berean, begirada nonbaiten pausatuz gero, pentsamendua bera ere geldi legoke. Hau garbi senti dezakegu oreka ariketak egiten ditugunean.

Oreka ariketa.

A. Begiak irekita.

Zutik, behats puntetan jarri eta oreka mantentzen saiatu.

Zenbat energi gelditzen zait, oreka mantentzeaz gain?

Atsamar bat paretan pausatu; nahiko da oreka erabat mantentzeko eta aurrekoan oreka mantentzeko erabili izan dudan energi pilo hori eskuratzeko.
Begirada pausatu paretan, atsamarra pausatzeko ordez, geldi dagoen punturen batean. Begiak geldi eta tinko dauden bitartean ez naiz eroriko.

B. Begiak itxita.

eta 2. berdin. 3. Begirada bekain-tartean pausatu.

(h)ARI.MEHEA edo Nor-tasuna

Azal honi gorputz kausa.la ere deitzen zaio. Begi bistakoa da denak ez gatozela berdin mundu honetara. Genetikoa dela, ingurua dela, beste bizitza batzuk izan ditugula,... kontua da oso izpirientzi ezberdinak bizi ditugula. Baliteke loteria bat izatea, kasua.litatez gertatzea, baina hemen kausa.litatearen hipotesia planteatzen dugu: izpirientzi horiek badutela lotura, batzuk besteekin; karmaz ari ginenean esaten genuen bezelaxe, baratzeko adibidea erabiliz, batzuk besteen ondorio direla. Eta bata bestearekin lotzen duen “hari mehe” horri nortasuna ere deitzen diogu. Ildo beretik, bokazioa (h)arime(he)aren ahotsa litzateke eta intuizioa ere.

IZPI.RITUA, izaKIa.

Aurreko guzti hauen atzean, edo azpian, edo barruan, izpiritua. IzaDIaren parte den izaKIa. Argien adibidea jarriz, lanparak izan daitezke ezberdinak: bata fluoreszentea, bestea alogenoa, bestea inkandeszentea, etab. baina pizten dituen korrontea, argi indarra berbera da denetan. Gizakiongan ere berdin; nortasunak izanda ere, bizirik iraun arazten gaituen indarra berbera da, eta horrexeri deitzen diogu hain zuzen izpiritua.

.GAILU familia.

.GAILU familiako izen hauek neronek asmatutakoak dira, apropos, guk erabiltzen dugun zerbait direla adieraztearren, abiapuntuan berauekin oso identifikatuta gaudelako, eta hauxe besterik ez garela iruditzen zaigulako. Besterik egon daitekeenik ere ez dugu asmatzen, horretan hasi arte.

IzaTE hutsa eta izaKERA.

Teknikoki badira sanskrito hizkuntzan izendatzen diren buddhi, atman eta hainbat eta hainbat zehaztasun gehiago ere Yoga zientzian baina, ez gara hain ur sakonetan sartuko eta nortasun edo ari-mehe horretatik gorako “hirutasun izpirituala” deritzon horri guk izpiritua deituko diogu, 7 urratsetako sailkapena 5etan laburbilduz.

Izpiritua litzateke izaTE hutsa, eta hortik beherakoak izaKERA, pertsonalitatea, formarekin zerikusi dutenak.

Taza HUTSetik, kafe HUTSera.

Baina gugan iraunkorra dena ez da izaKERA, eten gabe aldatzen ari dena, izaTE hutsa baizik, eta horixe hain zuzen, meditazioaren tresna erabiliz atzeman nai duguna.

Izate HUTSA diodanean, “puru” zentzuan diot. Oteizak esan ohi zuen bezala:

“ezer ez den hutsetik abiatuz, dena den hutsera heltzeko” (“partiendo de un vacío que no es nada, para llegar a un vacío que lo es todo”).

SAT-CHITT-ANANDA

Hauexek lirateke bai izaKIa eta bai izaDIa diren izaTE hutsaren ezaugarriak.

Txikitan eskolan, eguzkiak: argitasuna, berotasuna eta indarra ematen zigula ikasten genuen, eta irudi hau oso aproposa da izate huts horren ezaugarriak ulertzeko.

SAT bizitasuna litzateke, indarra.

CHITT jabetasuna, jabetzeko, ohartzeko gaitasuna, kontzientzia, argitasuna.

ANANDA zoriontasuna, gozotasuna, berotasuna.

Tximinia eta plomada.

Tximiniak, tiro ona izateko, ez du bihurgunerik eduki behar, zuzen eta artez behar du. ZERak ere berdin;. “Gure baitan datzan eguzkiak”, bizitasunak, berotasunak eta indarrak, ekintzetan gauzatzera iristeko, bide zuzena egin behar du, ala “bihurguneetan” egingo da galdu.

Gehienetan izaten da horrela; zoriontsu izateko eduki beharreko guztiak baditugula, baina korapilatuta sarri askotan, eta orekatu eta ordenatu egin behar. Intuizio bidez ideia bat jasotzen dugu, baina pentsagailua buelta-bueltaka hasten da... senti.desiragailuak ez dauka gogorik eta ekingailua alpertuta dago, eta beraz, azkenean ideia bidean galtzen da, gauzatzera iritsi gabe.

Esparru edo azal hauek, lehenengo banan-banan orekatu eta gero beraien artean arteztu behar ditugu, tximiniarekin bezala.

Aipatu ditugun azalak beraien artean artezteko, plomada jarriko dugu, baina ez edonon, muinean baino, erdigunean, ardatzean, iz.pirituan, izate hutsean, izadiaren parte den nire baitako izakian.

Nola BATu?

Lehertuta, sakabanatuta sentitzen dugun hau nola BAT egin?

Meditazioaren zientziak ematen dizkigu “UNitzeko” tresnak.

Asanak

ATSEGINAREN ETA AHALEGINAREN ARTEKO OREKA GUNEAN,

Arnasketak

ARNASA SAKON HARTU ETA ASTIRO BOTA, BARRUA ZABALDUZ,

Pranayama

ENERGIA BIDERATUZ,

Lasaiketa

GORPUTZA GERO ETA ASTUNAGO PAUSATUZ,

EMOZIO TA DESIOAK OREKATUTA,

ARRETA PENTSAMENTU BAKAR BATEAN JARRITA,...

JABETZEN DEN HORI ASKE GELDITU DADIN,

Meditazioa

ZERa ZERaz JABETU DADIN.

Laburbilduz.

Batetik badakigu jo-muga bat badagoela; bizitzea ez dela edonondik edonora ibiltzea, baizik eta, errekako urak bezala, nora jo badugula, gure baitako izaKIra.

Eta bestetik, jo-mugara heltzeko zeharkatu beharreko esparruak zeintzuk diren

(aldi berean bide hori egiteko bizitzan dauzkagun ibilgailu direnak): (h)ari mehea, pentsa.gailua, senti.desira.gailua eta ekin.gailua.

Badakigu baita ere, bakoitza orekatu eta zeharkatzeko tresnak zeintzuk diren.

Beraz egunero praktikatzea besterik ez zaigu gelditzen.

Pravriti eta Nivriti.

Barneratzea eta kanporatzea.

Hemen kontua bikoitza da.

Eta, hara zer gauza bitxia, euskeraz jabetze hitzak bi zentzu horiek izatea:

-barnerantz, zerbaitetaz jabetu, ohartu zentzuan eta

-kanporantz, zerbaiti jabetasuna eman, zerbaiten jabe egin zentzuan.

Meditazioa egitean barrura goaz, gure baitan jabetzen den hontara, eta honako ardatz honetan errotu, gozatu eta elikatu ondoren, kanpora, geure inguruari jabetasuna ematera; hartu eta zabaldu.

Dagokion inguru hori noraino heltzen den bakoitzak daki, norbere beharretatik hasi, eta izadi osoraino zabal daitekeen esparrua bait da.

Jakinduriaren gakoa, ipuina.

Behin joan omen zen ikasle bat maixu haundi bat bizi zen jauregira eta jakituriaren gakoa zein ote zen galdetu omen zion. Geroxeago erantzungo ziola eta bitartean jauregiko lorategi ederrean paseatzera joateko esan omen zion, eta baita, goilaratxo bat emanez, han zeramatzan olio-tantak ez isurtzeko gomendioa eman ere.

Joan zen bada ikaslea eta han dator bueltan, goilaratxo ta guzti, erne, olio-tantak ez isurtzeaz arro. Maisuak (ala maistra ote zen? Igual dio) non galdetzen dion, “ikusi al duzu lorategiaren ederra?”, eta ikasleak erantzun: “ez ba, erne ni olio-tantei; horiek uste nuen nik zirela garrantzizkoak”. Eta irakasleak erantzun: “hortxe daukazu jakituriaren gakoa: barneko olio-tantei erne kontu eginez, biziak kanpoan eskaintzen dizkizun edertasun guztiez gozatzean datza”.

Su-garra

Ipuinean olio-tantak esan ditugun moduan, su-garra ere esan genezakeen.

Etengabe eta beti gorako diz-diz horretan, gure barne bizitasun hori oso ondo iz.ladatzen duelako.

Eman eta zabalduko dut.

Zerbitzua aipatzen da, eboluzioa den bidezihor horretan aurreratzeko “atajo” bezala.

Jarrera honetatik abiatzen denak, meditatzean “eman eta zabalduko dut” esango dio izate hutsa den biziari.

KONZIENTZIAren zientzia.

”Ez zaizu ba askorik igartzen Yoga egiten duzunik” entzun izan dut urduri edo hasarre egon naizenen baten. Asko daude oker Yogaren helburuarekin eta gu geu ere despistatu egiten gara sarri askotan. Uste dute, eta dugu agian, Yoga Lasaitzearen zientzia dela, edo Kontorsionismoarena, edo Osasun perfekoarena, edo Orekarena, edo... Baina ez, Yoga ez da hori, nahiz eta guzti horiek Yoga pratikatzeak ekarriko dizkigun ondorio edo “efekto sekundario”ak izan. Yoga Jabetzearen zientzia da, konzientziarena.

Yoga TEKNIKAK: konzientzia suspertzeko teknikak.

Beraz Yoga “egitera” doanean ariketa fisiko suabe bat egingo duela pentsatzen duenak, guztiz oker ez badago ere, ez du bidearen hasiera besterik ikusten, “iceberg”aren punta. Benetazko helburua ez du oraindik asmatu, konzientzia suspertzea: nire baitan jabetzen den hori esnaraztea. Bestalde, Yogak argi ikusten du, izpirituaren, konzientziaren bide hori gorputz fisikotik (ekin-gailutik) abiatuta egin behar dela.

ZERK mantentzen du kanpoa?

Gure planetak, grabetatearen legea dela merio, bere orbita barruan dagoen oro erakartzen du bere magalerantz, lurraren bihotza den erdigune sutsurantz.

Ni naizen energi kanpo honek, izaki honek, muinean zera du: jabetzeko gai den zera. Eta ZER horrek erakartzen ditu ni fisiko, emozional eta mental osatzen nauen guzti hau.

Heriotzeko unerarte. Herio.tzean, izakia aldendu egingo da, erakarpena eten egingo da, eta lehen nire izakera osatzen zuten energi partikula guzti horiek sakabanatu egingo dira, “hauts” bihurtuz.

Yaveh-tu

Hitz jokoa erabiliz: jabe-tu, gero eta Yaveh-ago izan, eta hobe esanda, Yaveh naizenaz jabetu gero eta gehiago.

Meditazioari GOGOeta deitzen diogunean.

Gogo hitzak euskeraz hainbat esan nahi ditu.

Ekin-gailuan kokatu dezakeguna: “Gogo txarra daukat eta ohera noa”.
Senti-desia.gailuarena zera litzateke: “Ez daukat gaur horretarako gogorik”.
Pentsa.gailuari dagokiona: “Gogoan daukat lehengo baten esaten zenidana baina ez ditut hitzak zehatz-mehatz gogoratzen”.
Hari.mehea izan zitekeena: “Egin ezazu gogoak ematen dizuna”.

Yogaz ari garenean eta teknikoki, meditatzea ez da pentsatzea. Meditazioa eta gogoeta. Pentsamentuari eragiten jardutea ez da behintzt; gogoaren iturburura, jatorrira jotzea litzateke, izatekotan; gogoa sortuko den huts bete horretan kokatzea.

Haurrak eta izpiritualitatea.

Ezagutu, ezagutzen dut emakume bat, bere 7 eta 9 urtetako seme-alabek egunean ordu betez meditatzeko ohitura dutena.

Horrenbesteraino ez naiz iritsi, agian ez zaidalako egokitu edo agian meditatzeko bizitzako izperientzietan heldutasun bat behar dela deritzotelako (eta baliteke oker egotea, edo baita ere, denok puntu berberan ez egotearen ondorio izatea).

“Zer da inportanteena: Kon.tu.ra.tze.a”,

Gurean, haurrei, etxeko zapatilak lekuz kanpo aurkitzen ditudan bokoitzean, zera esaten diet: -“Zer da inportanteena bizitza honetan?

Honez gero, beraiek erantzuten didate, hortz tartean bada ere: -“Kon.tu.ra.tze.a”, mila aldiz entzun didatelako.

Haunditutakoan apropos ereindako hazi horrek mugarri egingo duen esperantzan...

Izpirituari leiho bat zabaldu.

Garai batean gure herrian, beste inor ez zegoela eta, kristau dotrina irakasteari ekin nion. Bikote ezkonberriek, oraindik umerik izan ez arren, agian sortuko den seme-alaba hipotetikoarentzat, gela bat aurrikusten duten bezala, nik ere beharrezko deritzot haurrengan espazio hori zabaltzea. Ez herriko haurren burua, semea tartean nuela, hasiera batetik kontzeptuz betetzeko asmoz, ez; bizi ahala, erne eta garatuko den izpi.ritual.tasunari iz.pazioa irekitzeko baizik. Gerora itxi ala hazten utzi, norberarena izango da aukera. Leihotik begira jarri eta galdetu egiten nien: non egiten dira zuhaitzak, fabriketan? Eta erreka, zeinek egin du? Eta hodeiak eta belarra? Galdera utzi nahi nien, indiabak ereiteko potxingoa prestatzen dugun moduan.

Yoga eta HERRIgintza

Geure buruen jabe. Herri bezala ez dugu jakin izan beste modu batean bizitzen. Orain arte horrela izan da: “Gu sortu ginen enbor beretik sortuko dira besteak / borroka horretan iraungo duten zuhaitz ardaska gazteak”. Baina baliteke hori ere aldatzea, epeltzea eta galtzea. Banan-banakako bizitzan beste zerbait ari gara ikusten, lan kontuetan adibidez. Lehen lanean norbere buruaren jabe izatea helburu zen moduan, orain gauzak aldatu egin dira eta denok ari gara morrontza nahietan, zein baino zeinek soldatapeko hobea harrapatuko. Eta horrek, gerora, zerbait badakar, menpeko mentalitate bat, bai YOGAtik eta bai JABEtik urruntzen gaituena. Horixe litzateke gure herriaren amaiera, beste herri askorekin gertatu den antzera, eta Gaia ama lurrarentzat ere galera haundi bat, esperantza izpi baten itzaltzea.

“Berria” egunkariko hemerotekan badira bi artikulu Yoga eta herrigintza lotzen dituztenak. Zenbat eta norbere buruaren jabe diren herritar gehiago izan, errezago izango du herriak burujabetasuna lortzea.

Mundutik ihesi?

Zeinek esan du geure zilborrei begira geundela? Ala agian geu gara horren beldur barne lanetan zeratzen garenean, ez ote gauden munduaren min, gatazka eta erantzukizunei ihes egiten. Eraginkor izateko zuzen eta artez ibili behar, plomada ondo jarrita. Gure ekarpenak ez du egun bateko izan behar, edo urte batzutako... betiko izan behar du. Erre nahi ez badugu, zimeldu nahi ez badugu, barne muinean sustraitu beharra daukagu, euri zein lehor, ur sakon gardenetan edan ahal izateko. Bada gure baitan zerbait betidanik eta betiko dena, betiro,

eta hortxe dugu kokatu behar, denboratik eta espaziotik at, eta aldi berean muin, den ZER horretan. Eskularruak bait liran, NI eta GU batera janzten eta bizitzen dituen horretan.

Jabe.TZEN den herria.

Zer.bizioa duen! Betidanik izan du Euskal Herriak laguntzeko joera: bere buruen jabe izaten jarraitu nahi dutenekin elkar lanean. Hor ditugu misiolariak eta, aspaldiko partez, Cuba, Nicaragua, Palestina, Txiapas(Mexico), Sahara, Chernobil...-en aldeko hainbat elkarte ere.

100gn. tximinoa

Bada teoria bat, esparru morfikoena, esaten duena 99 tximinok gauza berbera egiten ikasten dutenean, 100garrenak eta hortik aurrerako guztiek berez egiten dutela.

Gurera aplikatuz, kontua litzateke, beraien baitan jabetzen den hortaz jabetzen diren 99 euskaldunetara iristean, berez jabetuko liratekeela beste guztiak ere. Txantxetan gabiltzala ematen badu ere, ez gara oso urruti ibiliko, asko eta asko bait dira azken 30 urteotan Euskal Herrian Yogatik abiatuz meditatzen hasi direnak.

IZ.IL.ean pIZten ari den iraultza IZPI berria.

Esportatu ere, hainbat Yoga-meditazio irakasle prestatu eta esportatu ditu Euskal Herriak urteotan.

Meditazioa eta ama Lurra.

Meditatzean izakia eta izadia lotzen dituen barne izate horretan murgiltzen gara.

Hauxe da aro berriko alfabetizazioa, benetazko Internet sare ekologiko eta naturala, ama Lurraren baitako izakiarekin konektatzen gaituena. Bihar etziko telepatia, izadi osoko izaki-herriak elkar harremanetan jartzen dituena.

Bibliografia:

-Roman Agirre: “Yoga eta Erlajazioa, fitxa liburua”.

-André van Lysebeth: “Aprendo Yoga”, “Perfecciono mi Yoga”, “Mi sesión de Yoga”, “Pranayama”, “Tantra, el culto de la femineidad”. Urano argitaletetxea.

-Madhava (Manuel Paz Makazaga): “Psikologia Yogikoa”, “Curso de Meditación”.

Hemen aldizkariak argitaratutako artikulua.

PNV "gestio txarra"

2011-11-16T04:28:00.000-08:00

Busturialdeko Ur Patzuergoak
ez daki gabonetako paga extra
bertako langileeri
ordaindu ahal izango deutsien.

Gestio txarra esan
eta aurrera, mutilak, tenpleu!

Eta nor izan da, ba
gestioaren ardura euki dabena?
Sortu zanetik eta orain hiru asterarte,
beti-beti PNVk.

Auditoria bat egingo jakola?
Zer esanik be ez,
derrigor egin behar!

Apurka-apurka bagoaz ikasten.
Diruz ondo dabizen enpresak be
adrede egiten dirala usteldu,
besteren batek merkeago erosi dagian.
Kasu honetan, Bilboko Ur Partzuergoa da
atzean dabilena.

Baina, gestio txarra egon dala eta...
ezin dosku eskuetatik eskapa.
Geure sudur puntan pasa dana
hurrunago joan ezkero
zergaitik ez da pasako ba?

Hiru hilerik behin
eskotean,
etxeek eta udalek
ipinten dogun dirua,
hobe urre-urretik
eta ondo ikusteko moduen
geuk goberna.

Ez da kontu barria.
Noizko denporan entzuten gendun
Jabier Bilbao Ibarrangeluko PNVko alkate ohiak,
Ur Partzuergoko gerente izatearren
600.000 mila peseta kobratzen zituela,
besteon aldean dirutzak!

Emon be ez eban emoten, ba,
holako puesto baterako
eukingo ebanik prestakuntza.

Beran ostean sartu zan gerente barriak
Aitor Arriolak, 48.000 euro! kobratzen dauz urtean,
aurrekoak baino gitxiago, bere esanetan.

Asi ke... atara kontuk!

Independentzia feminista

2011-10-27T22:23:00.000-07:00

Altsasu 2011eko argazkian, gizonezkoak
nabarmen dira gehiago emakumezkoak baino,
lehengo erakuslerroan izan ezik.

Euskal Herriaren independentzia feminista izango da,
edo ez da izango, independentzia.
Beste dependentzi bat baizik.

Estututua

2011-10-26T03:04:00.000-07:00

"Duela 32 urte
abiatutako bidea
estua da,
eta beharrezkoa da
zabaltzea
gure herriaren
borondatea
muga bakartzat
hartuz".

Carlos Garaikoetxea,
lehendakari ohiak,
Edurne Begiristain.en
Berriako artikuluan.

Esta.tutua,
estadu tutua.

Estu.tutua,
tutu estua.

Estadu tutu estua.
Estuegia, ezin traga.

Gaia Herria

2011-10-11T02:58:00.000-07:00

Min bizia

2011-10-08T14:02:00.000-07:00

"Tumoreak
diagnostikatzeko
makina berria"

erosi zuten Osakidetzan
eta diagnostikatuko ditu bai,
makina bat diagnostikatu ere.

Horretarako da eta!

Nork asmatu duen ezetz asmatu!
Eta asmatzeko dirua nork jarri duen...
Nik jakin ez dakit,
baina behi horren errapeari
esne asko ateratzen ari zaiola ta nago.

Rothschild kalean

2011-08-11T22:31:00.000-07:00

Gure etxe-etxekoak dira
betidanik Rothschildarrak.

"Zer uste dozue ba?
Rotxilen boltsie dekozuela?"
gure birramuma Madalenaren
sasoiko esaldia.

Astean pare bat aldiz
gaurko amumak be
errepikatuko duena.

Berrian irakurri diot zeozer.
Ane Irazabalek dio
Israelgo Tel Aviv.etik:
"Rothschild kalean..."
ezdakit zer eta badakit nor.

Kalean?
Kale gorrian?
Halako poltsa euki
eta orain kalean?

Horixe omen da
oraingo Kali Yuga
sasoiaren ezaugarria.
Dena nahasmena...

...eta aukera!

"Hik bultza gogor hortikan/
ta bultza nik hemendikan/
ikusiko dek, nola-nola/
laister eroriko dan".

Eutsi goiari!

Erresumaa Batuan gosetea

2011-08-11T22:10:00.000-07:00

"Ez dute jatekorik lapurtu,
markako arropa baizik",
dio Jose Mari Pastorrek Berrian.

"Kontsumo gosea.
Gure sistemak piztu du gose hori
eta orain ez da hura asetzeko gai

... Laguntza sozialak
murrizten ari dira.
Laguntza horiekin gazteek
Tesko edo Sainsbury's
supermerkatuetan
erosteko beste diru dute,
baina
diru hori ez da nahikoa
kontsumo gizartean
herritar
sentitzeko".

Apokalipsiseko zaldunetariko bat.

Baginaren bakarrizketak

2011-07-25T18:32:00.000-07:00

Ispasterren,
jaiak, Santiago,
(denboraz kanpoko eguna),
euria parra-parra kanpoan
eta frontoian epel-epel,
bero-bero esango nuke...

Baginaren bakarrizketak.
Antzerkia,
eta, harrigarria,
jendez gainezka!

Zoragarri! Barré!
Hau bai hau ekarpena
Aitzibar Garmendia
eta Ainhoa Garaiena!

Euskal Herriko larru media
altxatzeko modukoa.
Osakidetzak antolatu beharko luke,
debalde. Edo EVEk,
energi berriztagarrienetan
berriztagarriena..

Biba, Bob, biba!

Ni-kia

2011-07-21T20:31:00.000-07:00

Ni.kia
ni.keriaz pustutako nia.

Behar izana betetzen denean
asetzean
ni.tasuna egiten da heldu.

Behar izana betetzeko ahaleginak
huts egiten duenean
ni.keria egiten da pustu,
pendiente gelditu denaren seinale.

Arantzak
pus.tutakoa,
behin edo behin,
beharko da hustu.

Zahartzaroa:
arantza pendienteak
ateraz,
hustuz
osatu/sendatzeko
alperkeria.

Air.puag!

2011-07-21T20:05:00.000-07:00

Zeure buruaz beste egin
eta zulo beltzean dzanga!
amorruak piztuta
sutan
ziztu bizian
amiltzen zoazela,
etzan egiten naiz
gorpu, epel,
luma, tripaz gora
amiltzen
airbag pusgarri,

erabat hustu arte,
erabat hustu arte.

Arrak hartu,
emeak eman.
Arrak xurgatu,
emeak askatu.
Emeak jin,
arrak joan.

Harrek jan arte,
harrek jan, artean.

Madalen kapitaina

2011-07-21T19:35:00.000-07:00

San Isidrotik Madalenara,
Yogatik Ama Virginara,
Jaungoikoak ekarri,
Sorginak eraman.

"Oso erakargarria zara"tik
"ez nauzu betetzen"era.
70 egunetan, bizitza bat.

2 hilabete eta 10 egun,
ZER da aldatu dena?
Bi kilo, bai,
Horrenbesterako ote da?
Hori al da
desioaren hari mehearen pisua?

Nik ez ditut gizonak salbatzen.
Nik ez ditut gizonak abandonatzen.
Eutsi egiten dut,
kapitain onaren gizan,
untzia hondoratzean,
azkena onik atera arte.
Gero lehorrean...

Gero, lehorrean...
beta bada... eta denean,
zaplasteko bana ematen diet,
jasotako tentsioaren ordainetan,
ordain merkea,
bizitza salbatu (eta erazi) ostean.

Izpi.ariketa

2011-07-17T23:46:00.000-07:00

2012
EAko Poesia Egunak
proposamena
HerriaK poesia:
Hitza da giltza

Izpi.ariketa
(saio partehartzailea)

3 urrats,
sorkuntza arintzeko:

1 Jaso
2 Hausnartu
3 Sortu

Larru ondoko sorkuntza

2011-06-17T01:16:00.000-07:00

Volgako Batelariak / Бурлаки на Волге
Nola jo larrua euskal idazle gazte batekin

Ibili dabil Angel Erroren testua.
Gustora irakurri dut.
Ez zait arrotz egiten.
Grazia, pipergatza du.
Euskal Herriko tronpetak tenkatzen zenbat lan.

Egin dezagun gogo-bete-gogoko plan bat.
Larru osteko sorkuntza garapena.
Ez larru ordezkoa.
Maite muinekoa.
Freeki.

CatalanRevolution

2011-06-16T00:04:00.000-07:00

Collage-saltsa bat egin dut
Vicent Partal, Vilaweb.eko zuzendariaren eta
Iker Aranburu, Berriako analistaren
artikulo biko zatiak hartuta.

Bada protesta mugimendu bat eta kritika bat...
Arnasten dugun airea bezain beharrezko ditugunak...

Arrazoiak...
- Langabeziara bideratutako belaunaldi oso bat, trebatuenak.
- Sistema ekonomiko ezmoral bat,
mozorrorik gabe aurpegi lazgarriena erakutsi duena.
- Urrundutako politika bat, behin eta berriz errepikatzen dena.(*)
Eta baita
- Europako ezein herrialdetan egitera ausartu ez diren moduko
mozketak ere. (**)

(*)
Oso zail du Haserretuen protestak
politikaren norabidea aldatzea.

Batetik,
Kataluniaren kasuan, inguruan dagoen
gobernu indartsuena dutelako,
CIUk alde handiz irabazi zituen,
guraizea beldurrik gabe erabili duen arren,
maiatzeko udal hauteskundeetan berriro garaile.
Gehiengo isilaren babesa.

Bestetik,
mezu bat iristen zaie agintariei,
finantza merkatuena:
"Gure dirua nahi baduzu,
gure baldintzak bete beharko dituzu".

(**)
%23 gutxiago Nekazaritza eta Ingurumen Sailari;
%15,6 kulturari; %7,4 Hezkuntzari; %6,5 Osasunari
%32 gehiago zorraren ordainketari.

Herritarrok gara aberastasuna sortzen dugunak.
Zergatik ez dugu esaten?
"Gure aberastasuna nahi baduzu,
gure baldintzak bete beharko dituzu".

Euskal Hitz Sakonak

2011-04-25T00:08:00.000-07:00

iz

gogo

hika

asmo

(h)un

jabe

oso/oro
. Osasun (osotasun)
. Osatu, sendatu
. hitz.oro.bil

alde/aldi

arte

zer

jin/joan

har-eman

buru

ur - ili

dena

huts

ama

eme

maithuna

mantarra
pattarra
pixka

Ziri-miri
Mara-mara
Kili-kili
Dar-dar
Txipristin
Txinparta

Gorri/gori
Hori
Zuri/Beltz
Ur.din

Hotz-ikara
hotz/bero

Ipur-ikara
 Ipur-zulo
 Ipur-(t)erre
 Ipur-targi
 ipur-ttunttur

Txakrak:
 Burutontor-eko txakra
 Bekaintarte-ko txakra
 Lepo-ko txakra
 Bihotz-eko txakra
 Ekiplexo-ko txakra
 Mokor-eko txakra
 Ipur-ttunttur-eko txakra

Lauburu
.Lurra
.Ura
.Zerua
.Sua

Txina eta elementuak
.Zura
.Sua
.Lurra
.Ura
.Metala- zerua

ortz

propie.tatea hartu
jabe.tasuna eman

zintzo

hitz.(b)oro.bila

In-de-pen-den-tzia!

2011-04-03T03:27:00.000-07:00

Gabeko gauak

2011-03-26T13:14:00.000-07:00

Larunbat gaueko
planik gabeko
orduak ditut
gorrotoen.

Iñaki Salvador

2011-03-23T23:26:00.000-07:00

Zenbat aldiz eraman nauen Iñaki Salvadorrek
pianoz, barne zeruko negar landaraino,
eta gailurra jo erazi behin eta berriro
gozamen zororaino, hilko-hilko sortu artio.

Mikel Laroaren homenezko
Lilurarik ez diskako 5garren kantaz
berbarako.

Zaintza / Am@

2011-03-10T22:54:00.000-08:00

Zaintza hitza erabiltzen da orain, zainketa.
Ingeleseko care, edo gazteleraz cuidados esaten den moduan.

Zainketaz haratago,
jabetasuna emateak ardura adierazten du.
Sutabe izatea. Egituratzea. Eustea.
Fisikoki, zein afektiboki, zein pentsatu eta erabakiz.

Etxeko ama batek egiten duena zer da?
Zaintza ala jabetasuna ematea?

Sikieran be, emon dotsagu jabetasune etxe bueltieri,
esan zigun Amak etxe inguruko sasiak eba genituen batean.
Que se sepa que tiene dueño, gehitu zuen sententzia.

Que se sepa que tiene Am@.

Osteko manbo

2011-02-12T05:49:00.000-08:00

Urriko.
Urriko azkenengo astelehena.

Osteko manbo.
Kontzertu osteko manboa.

Gaztez inguratuta nago.
Bizi-bizi gara.
Ohera leher eginda heltzen naz,
errementata,

baina gozó...
merezi du.
Gustoko manbo.

Auta.kara.bana

2011-02-03T01:58:00.000-08:00

Oso gustora ari naiz Fermin Etxegoien.en
Autokarabanan pasioan.
Sinesgarria zait erabat, bizia.

Herri ekimen bat jarriko bagenu martxan
jin-joan harremanen fusio nuklearra asmatzeko?

Mundua hatsamarren puntetan dantzatuko genuke,
ez bait dago hori bezain energia eraginkorrik.

Gogoa piztuta, zer ez ote ginateke kapaz egiteko?

Zenbait pitzadura, nire uste apalean,
Autokarabanan ondo baino hobeto islatzen direnak,
gogo-bete-gogo barik, mi-mi-mi uzten gaituztenak.

"Nire kuttunak
ez zeraman
takoidun oinetakorik,
zori txarrez
ez dituelako inoiz eramaten.
Ederki harrotuko litzaioke ipurdia,

baina Irantzu ez da estilo horretakoa
baizik eta euskararen militante klasikoa".

Prosti.kolonizazioa lehenago zabaldu da
euskal gizon aurreratuen gustoetan
euskararen militante klasikoen artean baino,
idazleak erakusten digunez.

Aurrera mutilak!
Ea hurrengoan zein aurkikuntza berrirekin
sorprenditzen gaituzuen.

Takoiak berak jarriko balitu...
Orkatila bihurtzeko zorian...

Orkatilek, norabidea aldaketak somatizatzen dituzte.
Bizkarrak, bizitzan eusten gaituena.

Takoipurdien begiraleen desio urria pizten ez dago errez:
nora bidea lokatu, eusten gaituena okertu eta ipurdia harrotu,
gaur eguneko gizontasunaren
gogo miseria larriaren erakusgarri.

"Gure ahuldade emozonalez elikatzen den etengabeko konbultsioa".

"Ile beltz trinkoa, bular harroa eta ipurdi-alde zabala.
Esan dezaket munduko tiporik ahaltzuena sentitzen naizela
orgasmora eramatea lortzen dudanean, botere sentsazioa
oso gauza birtuala izan delako nire bizitzan".

"Hobeto eutsiko diot antsietateari,
ailegatu bezain azkar sarean galduko naizelako pornografia bila,
mundu aurreratuko milioika lagunek egunero egiten duten moduan".

Gure kasu honetan argi gelditzen da
oiloa baino lehenago dela arrautza,
eta munduko ofiziorik zaharrena ez dela putarena,
potro-jorrarena baizik.+

Alperraren alperraz,
ostean dator prostituitze eraztearena.

Irina Palm askatu!

2011-01-09T18:08:00.000-08:00

Zein ederra den
preso dagoena askatzea...

Diruz ordaindutakoa... fidantzapekoa.
Benetakoaren zai gelditzen dena.

Ari gara, eutsi gogoari,
askatasunaren seme-alaba gara.

Doktrina

2010-10-05T22:51:00.000-07:00

Pako Aristik BERRIAn:

Norberaren experientzia kontatzea
da jakinduriaren hastapena.
Egia, zerbait izatekotan,
beti da indibiduala,
kolektiboa denean
doktrina bihurtzen baita.

"Frantziskotar bat
pantailaren beste aldean"

Ongi etorri zelibatoa beharrik ez
dagoen mundu berrira, Joxe Arregi.

Dancing i.deia EHn

2010-10-03T01:18:00.000-07:00

beeebk eusk poesia

2010-09-17T23:11:00.000-07:00

Jardunaldiak,
Euskal Poesia
BBK
Poesia Vasca.

Hitzaldietariko bat:
"Yo voy soñando caminos"
!!!!????
Azalpena: "Ibilaldia,
poesia espainiar ????!!
eta latinoamerikarraren ????!!
inguruan".

Alemaniar poesiaren jardunaldietan
poesia portugesa eta brasildarrari buruzko hitzaldia...?
Edo chiness-english...
Zertan dabil bbbbbbbbbbb bk, artaldea nahastu nahian?

Pizteko

2010-08-05T14:55:00.000-07:00

"Gugan
zerbait zoragarria

den sentsazioa

pizteko

biderik ziurrena

objetu bakar bati

beldurrik gabe begiratzea

da".

Cesare Pavese.rena omen da.
Nire bertsioan

"pertsona bakar bati
beldurrik gabe begiratzea,
pizteko".

Kairoko emakumeak

2010-07-20T00:20:00.000-07:00

Oooona filmea! Ederra!

Konkursantea

2010-07-06T15:41:00.000-07:00

Nik ez ditut ondo ulertzen diru kontuok...
Zuek?
Filme honetako pista zuzena al da?

In de pen den ... TI-TA!

2010-06-16T19:38:00.000-07:00

Olatu berdea, Independentistak

2012 Abenduak 21,
Santo Tomas egunean,
baietz!

In de pen den ... TI-TA!

Dena galdu ala bihotza

2010-06-10T15:22:00.000-07:00

Nork esan du dena dagoela galduta...
Bihotza eskaintzera nator.

Eta gainera, zin egiten dut
irekita mantenduko dudala

otsoen kontra,
injustiziaren kontra,
lukurreariaren kontra,

oinazean eta xamurrean,
gorrotoan eta gozoan,
zure ondoan eta ostean,
atze zein aurrean,
alda menean, alda menean, alda menean...

Indep... posture baietz!

2010-05-25T22:36:00.000-07:00

Independentzia...
berak ez zuela ikusiko
esaten omen zuen
Santi Brouard.ek.

Oker ez banago...
guk bai, guk ikusiko.

Santo Tomas egunean,
2012an,
dotore jantzita,
ospatuko.

Posture baietz!

Betty Cariño, Iberdrola

2010-05-04T14:25:00.000-07:00

Kita ezaazu, kita ezaazu Iberdrolaren zerbiitzüa,
eta maita herria üken dezadan plazerra,
üken dezagun pakea.

Human rights defenders Bety Cariño Trujillo from Oaxaca, Mexico was killed in a paramilitary attack on 27th April 2010, as she took part in non-violent action in defense of the human rights of others. She was part of a campaign caravan that sought to break a blockade imposed on a vulnerable community by pro-government paramilitaries, in Oaxaca. A Finnish observer, Tyri Antero Jaakkola was also killed in the attack.
This is the testimony that Bety gave at the 5th Dublin Platform for Human Rights Defenders in February 2010.
Her actions and her words will live on as an inspiration to all who struggle for humanity and justice.

GaztetZe

2010-04-11T14:50:00.000-07:00

Ez da ortographi akats bat, ez.
Gaztetu egiten nau bertara joateak.
"Loreak mendian eta gazteok herrian".
Sustraiak ondo errotuta dituenak
errezago eta lasaiago egiten du hegaz,
bueltan abia epel aurkituko duen konfiantzan.
Autojestionatutako kanpalekua ikusi dugu gaur
Gernikako Gaztetxeko zinema eskolan,
John Ford.en "The grapes of Wrath" filmean,
John Steinbeck.ek idatzitako liburua oinarri.

AselAsmatu

2010-04-02T01:07:00.000-07:00

Maitasunaren mozkorrak biharamun txarrik ez. Dena on.

Hona hemen Aselen berbak...

..."Halako batean ekitaldia hasi zen, nire pantailatik kultruna, maputxeak... sartu ziren, gogoa zaldi zoroaren pare jarri zidaten irudiak hasi ziren kikuak egiten.
... Lagun horiek amestu zuten utopia zen, egia bihurtuta, eta hura gauzatzeko gai izan baziren, zer utopia ez gara, denon artean, gauzatzeko gai izango?

...Askok amesten dugun bestelako mundu posible hori holako ekintzen bidez ere eraikitzen da. ...Zapatuan xamurtasunak herri bi... maputxeak eta euskaldunak, herria jendeak eraikitzen duelako. Goikoek, gobernuek, erakundeek, legeek, legelariek, alderdi politikoek eraikitzen dutela sinistarazi nahi badigute ere...

...Gertatutakoak, maputxeekiko elkartasuna areagotzeko, haien eskubideak aldarrikatzeko balio izan ez ezik, Euskal Herrian hazi gorri-beltza landatzeko ere balio izan badu, askoz hobeto, ... gure herrian asko direlako bihotz libertarioak, maputxeen artean diren bezalaxe.
...Gizakien eta herrien arteko harreman horizontalaren ametsa gogo askotan dago. Beharbada garaia iritsi da Estatuak iraganeko kontua direla eta oraingoa herrien unea dela aldarrikatzeko.
.. Zapatuko miraria gertatu bazen, zergatik ez amestu hura beste mirari handiago baten hazia izan daitekeela?

...Zapatuan bihotza ez zitzaidan bularrean kabitzen eta zuei guztioi zati bana oparitzeko beste puztu zitzaidan, maitasun eta xamurtasunez.

Bularrean eguzki eder bat duelako Asel Luzarragak.
Jarri dugu guk martxan plaka solarra!
(Nondik uste duzu ba atera genuela energia?)

AselAskatu kontzerturako asmoa jarri genuen martxan,
eta asmatu.
Hasi, Rafa Rueda, independentziaren kontzertua antolatzen 2010 Abenduak 21, Santo Tomas egunean adibidez?
Ondo San Mames.en?

Back Stage, Asel Askatu Jaialdia

2010-03-29T00:14:00.001-07:00

-Zertan etorri zarie hona?
-Asel askatzen,
iraultza planetario bat egiten.

Elkar hizketASEL

2010-03-23T16:22:00.000-07:00

Etxe ezpETXEan.

Entrevista a Asel Uzarraga - 19 de febrero - Productora de comunicación social. from Sinapsis valparaiso on Vimeo.

Asel Askatu Jaialdia

2010-03-21T01:17:00.000-07:00

Idazlea, ezaguna, laguna, errugabea...
Elkartasun dinamika,
guztiok askatzeko balioko diguna.

http://euskaltube.com/play_audio.php?audio=1398

Gerrak amaitzeko bideoa

2010-03-15T20:47:00.000-07:00

"Terroristen aurka borrokatzen ari ginela esan ziguten;
benetan terrorista zena neu nintzen", dio
Estatu Batuetako soldadu beteranoak.

"Herri honetako jende langile eta pobrea bidaltzen dute
beste herri bateko jende langile eta pobrea hiltzera".

"Arrazakeririk gabe, soldaduok konturatuko ginateke,
gehiago dugula zer ikusi beste herrialdeetako jendearekin
gerrara bidaltzen gaituzten geure herrietako billonarioekin baino".

Irrifarreak edertu, hitzak irentsi ostean

2010-03-09T15:37:00.000-08:00

Bihotzeko.lagun izandako batek
bidalitako zirkular batetik:

Ikasi egin dut
hitz gozoak erabili beharko nituzkeela, beti,
agian bihar irentsi egin beharko ditudalako.
(azkenak, berbarako)

Ikasi egin dut,
irrifarre batek
erabat edertzen duela norbere itxura,
eta merke-merke.

Group.ie eta poutr.ie

2010-02-28T01:14:00.000-08:00

Musikarien jarraitzaile sutsuei
grou.pie deitzen zaie:
Group, taldearen postrea.

Nola izendatuko genituzke
pastelaren apurren zai (ala sai?)
musikarien lagun ei diren horiek?

Kumerik gabeko eme

2010-02-27T11:06:00.000-08:00

Deustoko paretean Juan Carlos batek
"Busco novia sin hijos" jarri omen zuen.

Hegorik gabekoa nahi zuen, omen.

Baina nik... txoria nuen maite.

Asel giltzapean

2010-02-13T19:18:00.000-08:00

Asel Luzarraga idazlea kartzelatik atera eta
giltzapean sartu dute, etxean.
Beraz,
hau ez da amaitu, baia garaipen garrantzitsua izan da.

Sinatzeko http://aselaskatu.org/

Poto.shop

2010-02-11T15:18:00.000-08:00

Morbotasun efimeroak… dio Ines Insausti lagunak,
Euskadi Irratiko ostegunetako Mezularian.

Horixe da, hain zuzen ere, gakoa,
neuk pentsa.

Ez dakit jaten ditugun oilazkoetan,
argipean erditutako arrautzetan
ala pasteurizatutako esne gaingabetuan,
non sartu diguten bromuroa,
baina dena da efimero, light, birtual,
irudi, itxura, poto.shop eta gezurrezko.
Gehiena.

Eta guk... traga.

Face Book, iturburu kodera hurbilduz

2010-02-10T03:52:00.000-08:00

Mundua holographikoa da: den-dena dago konektatuta.
Hemen mugimendu bat egin, eta beste nonbaiten eragiten du.

Gure kasuan David Martínez.eri esaldia aldatzea proposatu
"Mundua konpondu nahiko nuke baina ez dut iturburu kodea".
"Mundua konpontzen ari gara. Iturburu kodea lortzen lagunduko?"
eta egin duenerako (milesker, ze pozik jarri nazen!)
berehala Face Book.en erantzuna:
El grupo "Asel Askatu! / ¡Libertad para Asel!" ha sido eliminado porque
incumple nuestras Condiciones de uso. Entre otras cosas, los grupos
ofensivos, amenazantes u obscenos no están permitidos. También retiramos
los que atacan a individuos o grupos de personas concretos, o que anuncian
un producto o servicio.

Ikusten zelan hasi diren gauzak aldatzen? Kasualitatez?
Face Book.ek erakutsi du bere benetazko izaera.
Etsituen harremanetarako sucedaneo gisa balio du,
baina ez du bizipozaren energi maila altua soportatzen.

"Esoteriko"en esanetan (David Icke, Matrix.en gidoilarietariko bat)
fisika kuantikoaren arabera, geuk eraikitzen dugu geure erralitatea.
2012ko 12aren 21arteko tartea omen dugu Iraultza Planetarioa egiteko:
Paradisua ala Kartzela Planetarioa.

Gure estrategiari dagokionez,
nire ekarpena, etorkizunari begira:
UrdaiBai.en kontzertu-festa-dantza gehiago,
eta pantaila aurreko ordu txiki virtual gutxiago.

Baina zuen laguntza beharko dut,
zuekin sentitzen dudan berotasunari engantxatuta bait nago.

Zibilizazio estilo armatua

2010-01-25T15:40:00.000-08:00

Baina zein da gatazka horren atzean dagoen arazoa? Alde batetik, maputxeak europar jatorrizkoak ez izatea eta, europar ikuspegiak ezarritako parametroen arabera, herri txiroa, xumea izatea. Bestetik, maputxeek kapitalismotik guztiz aldentzen den bizimodua izatea eta europar estiloko "zibilizazioan" sartu nahi ez izatea.

Bekatu handi bi horiek direla-eta, aspaldi, Txileko gobernuak maputxeei (europarrek "otzandu" zituzten azken indigenak, Inken inperioari eta espainiarrei arrakastaz eusteko gai izan zirenak) lurrak kendu eta latifundista zuri batzuen artean banatzea erabaki zuen. Jakina, gobernuarentzat hura ez zen gatazka izan. Gatazka maputxeak euren betiko lurrak berreskuratzeko altxatzen hasi zirenean sortu ei zen. Estatu bortizkeria neurririk gabeari aurka egiteko indar ñimiñoena erabiltzea indarkeria eta terrorismoa deritzoten garaietan bizi garelako.
...
Orain, komunitate batzuek gatazka aldarrikatu eta lurrak okupatzeari (berreskuratzeari) ekin diotenean, gobernuaren erantzuna barregarria (edo negargarria) izan da: gobernuak ez du negoziatuko indarkeria darabilten komunitateekin. Beretzat gorde duena da indarkeria ez darabiltenekin ere ez duela negoziatzen.

Oso argia iruditzen zait Asel Luzarraga.k 2009/08/13an idatzitakoa. Txileko estatuak, estatu guztiek bezelaxe, nahi duena da guk onartzea beraiek bakarrik erabil dezaketela indarkeria. Hortxe dago tranpa: eskubidea eta erabakia nahastearena. Indarkeria erabili edo ez geure erabakia da; eskubidea, izan badugu, nola ez dute izango maputxeek lurra berreskuratzearena? Justizia hutsa da.
Eta hala ere, ez erabiltzea erabaki dezakegu, bizitzeko beste eredu bat eraikitzen ari garelako:
armatu estiloko zibilizazioan sartu nahi ez dugulako.

Esklabutza sexuala

2010-01-24T19:56:00.000-08:00

Gizon, giza on.

Sodoma eta Txileko konsulak

2010-01-08T16:34:00.000-08:00

A ze astea! Konsul artekoa.

Chileko konsularekin hasi -Asel Luzarragaren atxiloketak bilduta-

eta Sodoma.koarekin bukatu, Bilboko Capitol zinemako estreinaldian.

Edozein aitzaki da on lagunak maitatzeko.

Bere buruaren bila dabilen seme nerabea bezala sentitu nintzen pelikula ikustean. Lou Andreas Salomek eta Isadora Duncanen antzeko efektua egin zidan Bel.ek ere. Bel.ek ala Jaimek, nor nintzen ni, ala biak... Ba al du desioak identitate sexualik. Poesiaren eta txakolinaren arteko efekto sikotropikoa, Ibaizabal ertzean. Ez ustean.

Ama bizirik duen herrira eraman ninduen, Casilda Rodrigañez.en "El asalto al Hades" irakurtzean irudikatzen dudan bezala. Ez pelikulan agertzen den ama patri.arkala, noski. Oxitozina zoriontasun hormona hutsezko ama.matri.alkar bat baizik. Desio garbia, desio hutsa. Arra eta emea. Edo agian hobe, ez patri ta ez matri, harrem.alkar, fusioan, GORA!

Desioaren gogo biziak askatzen nau. Ausart egiten. Eta, onena, nobedadea: badut norekin konpartitu... neure buruarekin. Kostata baina... -nobody said it was easy- adiskidetu egin gara! Let's go back to the start.

Mezulariko bikote harremanak

2010-01-05T22:05:00.000-08:00

Ostegunetako Euskadi Irratiko Mezularian solaskide,
aste honetan Maider Segurolak zera eskatu digu:

MUSIKA

Bakoitzak abesti bat proposatzea nahi genuke. Oroitzapenak ekartzen dizkizuelako, maitasunerako aproposa iruditzen zaizuelako... nahi duzuena.

Ta nik hauxe aukeratu.

Azkenenegoz maite.mUIn.dua
oraindik bero daukadalako,
bitartean
zinemara elkarrekin
gustora joaten garenean
eskua
seme-alabek heltzen didatelako,

eta baita

Let's go back to the start

niretzat

"Bihotza bijjortu, malko zaharrak astindu,

barriro abian jarri, neu naz ni egunsenti"

delako.

AmaLur Herria

2010-01-03T22:13:00.000-08:00

AmaLur herriaren
askatasun osorako

nire bizitzaz eta
guztiokaz batera
jin.joan
eraginkorrean
ari naiz
gozatzen.

1. ausart
2. zintzo
3. barrua zabalduz

ERREKAZOLA (R. Ordorika)

Errekazola, goroldioz garbia,
urentzako ohantzea.
Urak badoaz errekan behera
itsasorako beren bidean.
Goizean goizik, zubi zaharrean,
gizon bat ikusi dut errekara begira,
ur lasterrari otoitz eginez bezala:
doazela errekan behera
gizakiaren minak,
doazela zauri horiek guztiak
osatzera itsaso gazira.
Orbelak lez, badoaz minak,
ur lasterrean.
Errekaldeko lore urdinak
agur esanez, haiei begira.
Goizean goizik, zubi zaharrean,
gizon bat ikusi dut, errekara begira
ur lasterrari otoitz eginez bezala:
doazela errekan behera
gizakiaren minak,
doazela nahigabe guztiak
osatzera itsaso gazira,
doazela...

Gurari patua

2009-12-29T16:10:00.000-08:00

Gurariak ez dira eskatzen;
patuaren altzotik lapurtzen dira,
ekinaren bidez...
kantatu digu Rafa Ruedak,
gustora, etxean, Bilboko Kafe Antzokian.

Joseba Irazoki ere oholtza gainean.
Gaur ez dugu euririk egin Bilbon.
Epel gaua, ilargi ia betea, argi eta goxo,
dantzatu naiz
txima luzeek bizkarra ferekatzen zidatela
eta sorbaldak.

Ondoan mutil batek
-gizon esan beharko nuke agian,
nire adinera hurbiltzen zela esango nuke-
begiratu nau, bai, sarri, harritzekoa bada ere,
baina ez da hortik pasa,
akaso hitzen bat... pentsatu dut,
baina ez.
Eta ausartu ez bada
zertan lapurtu.

Utzi egin diot lapurtzeari
eta ekinari ere.
Hemen nago,
eta ausarta naiz,
eta ausartzen ez denak
ez nau merezi.

2009-12-10T15:03:00.000-08:00

Ar-eme sutsu, zintzo eta aske

2009-12-10T14:13:00.000-08:00

Valledupar (Colombia)ko vallenato munduan
hitzak gehienetan penagarriak badira ere,
eta jarrerak zer esanik ez!
musikak ahora zapore erromantiko gozoa erakar diezagun...
Faltan botatzen dut arraren bizigarri ta bihotzberatasun hori.
Ezin izan gintezke ar-eme sutsu, zintzo eta aske aldi berean?

Colombiako zita

2009-12-10T13:30:00.000-08:00

Bizirik zer dagoz eurek ba!

Neuk be kanta neban bertan,
La Candelariako "Casa de Citas"en,
"Batek gose diraueno, ez gara asetuko",
Artze ta Mikel Laboa.rena,
nazio arteko hainbat emakume kazetari lagunen artean.
"Ekin eta ekin, ittogina txarra da" esaten eban ironiaz
Andereño Agurtzane Alberdik,
Bilboko Gran Via 33ko 4.pisuko "Oñate" ikastetxekoak.

Ezpain

2009-11-22T04:03:00.000-08:00

Ezpain aldetik
Ezpain aldera,
zenbat etorri,
zenbat joan,
zenbat yin
eta zenbat yan.

Errefuxiatu andana.
Eriotzak edo goseak
ortzmuga berri
haizearen hegaletan.

Hozka txikiz bigunduko dizut
zure haragi gorriaren hestua
muxukatuz zukatu,
zure gorrian goritu,
haragi xamur, epel, umel,
Europako muztur,
erdu ta banoa,
gori
gorri
korri
Ezpain.

Bogota

2009-11-22T03:24:00.000-08:00

Bogota, eder hori!

Iluntzean heldu ginen atzo.
Arepita bat Candelaria auzoan,
"de carne metxada, por favor"
barrez kontu kontari sareginean.

F.k alde egin behar izan zuen,
haurrak hartuta, errefuxiatu
bi neba abokatukak hil zizkiotenean,
bakea iruten ari zirela;
ezagun egiten zait, antzeko parezido,
Santi Brouard eta Josu Muguruza.ren
erailketen urtehurrenen biharamunean.

Bi urtetan, F. maiteak,
dantzan jarri ditu
Colombiako genero kazetariak
eta etxean hartu gonbidatu,
gazteleraz gabiltzan guztiak.

Genero ta ganora,
bizia bortxaz utzi zuten neben
ohore ta oinorde.

Etxean eta altzoan sentitzen naiz
Montserrate.peko "El Cafecito" ostatuan
literan goxo, egur zaharren artean,
hiri handian, nork esango luke,
8 miloi biztanle, arimehez inguratuta,
Bogotako goizaldean, 6ak direnean.

Kartzela planetarioa

2009-10-15T01:47:00.000-07:00

"El vasco nace donde quiere" zioen Oteitzak.
"La vasca pare donde quiere" gehituko diot nik.

Adibidez, wayuu.
Izan zitekeen Getari, ze deskubrimentu eta ze fundazio arraio!

Oso une ederra iruditzen zait
etxeko zilbor.borrokan
"erre, ke, erre"
parentesi bat ireki
eta oro euskalduna den
"aldea global" osoko
iraultzari ekiteko.

Mundu plazan indarrak metatu eta
etxekoak txakur zuloetatik atera ahal izateko.

Baina ez "euskal gatazka"ren aldeko laguntza eske, ez.
Gaia planeta osoko seme-alaba guztion
kanpo eta barne askatasunaren alde baizik.
Korapiloa, jada, bakarra delako,
kartzela planetarioa, alegia.

Zapaltzen gaituena ez da Madrid.eko bota.
Hori baino askoz ere garrantzitsuagoak gara
geo.estrategia politikoan;
hain txiki izanik -gaur egungo egoeran-
sustrairik sakonenetarikoak,
antolatzeko kapazitaterik haundiena Europan
eta egoera ekonomikorik onena
mundu osoko indegenen artean.

Estatu GLOBAL faszistaren kinka larri honetan
eta David Icke.k dioenaren harira,
izan gaitezen ausart,
"lo hicieron porque no sabían que era imposible":
eraiki dezagun paradisu bat,
("eta egin dezagun mundu berri bat
marea igo baino lehen" Beñat Sarasola)
geuk eraikitzen bait dugu gure erralitatea
fisika kuantikoaren arabera.

Eta pozik. Eta gustá!
Oteitzak berak zioen moduan:
"El revolucionario es un hombre contento".

Andrazkoa izaki... zer esanik ez!

Hélene Grimaud

2009-10-07T22:39:00.000-07:00

Zoragarri,
hain sinple, hain errez, hain apal,...
jo zuen bart.
Pianoa ez ezen, belauntzia ematen zuen.

Eta bart zeruan
eta gaur lurrean, esnatu
Laga ondoko Lastarriko errekartean
C'est un trou de verdure... oú la nature chante
Baoudelaire.ren esanetan.
Maite dut euskal herri honen txikitasuna.

Diana ala bingo?

2009-10-07T21:54:00.000-07:00

Explika diezadala norbaitek
zelan izan daiteken
diru publikoarekin dabilen
Euskalduna Jauregian
Diana Krall entzuteko sarrerak
merkeenak
80 euro
kostatzea.
Ala 90.
Aukeran.

Aldatuko al ditugu behin edo behin kontuok...
Bitartean... norbaitek konbidapenik bai?

Bio.terrorismoA

2009-10-06T23:33:00.000-07:00

Datu erabat zientifiko, dokumentatuak.
Bio.terrorismoAren azalpen ulergarria.

Osasun Publikoan doktorea den
Montserrateko TERESA FORCADESek,
GRIPE Aren kontuan
goxo eta sendo jotzen du.

Sinesgarritasun osoa duen bideoa.
Makillajerik ez daramalako, agian?

Prostituzio mafia iragarkirik ez

2009-09-30T03:45:00.000-07:00

"Putari" jarriko dut?
"putero" antza dauka...
Baina agian "puta.gile" jarriko banu...?
"puta" egiten/bihurtzen duena
tartean dirua sartzen duena bait da.

Kanpaina abian da.
Prostituzio mafien iragarkiak dituzten egunkaririk ez erosteko.

Bazen garaia fiskaltza ganorazko auzietan murgiltzeko!

Ta ni pozik, gure BERRIAk ez dituelako.
Orain arteko moduan jarraituko dut,
sukaldeko mahai gainean, goxo-goxo.

Gure Amak DEIA.rekin arazotxo moralen bat izan beharko lukela deritsot.
Beste EL CORREO, DIARIO VASCO, EL PAIS, etab. zaleek, zer esanik ez!

Zer dute gizonok barrabiletan? Des.natada? Ala ustela?

Txisa dutxan makurtuta

2009-09-24T03:09:00.000-07:00

Goizeko lehen txisa dutxan egitean
gure astarna ekologikoa lehundu egiten dugula
idazten du Koldo Aldabek Berrian:
"Urtean pertsona bakoitzak 4.000 litro ur aurreztu ditzake".

Bidenabar... pisaren "urea" da kosmetikoetan osagarri;
azaleko grietak osatzeko beti erabili izan da,
negozioa hasi aurretik.

Makurtuta eginez gero
dutxako kortina eta manparetako
astarna ekologikoa ere
sano lehuntzen da,
"ez bait da garbia garbitzen duena,
zikintzen ez duena baizik".

Alemanian 1978an egin genuen bidaian
pisukide neska-mutilen komunetan
pegatina bat ikusten zen,
zeinetan mutilei
pisa eserita egiteko konbitea egiten zitzaien.

Dutxan makurtuta zein komunean eserita
biak ala diak dira oso onak
pisa egitean belaunak engrasatuz
harrokeria lehuntzeko.

Bikote har.emen pisua

2009-09-22T23:49:00.000-07:00

Ze astun egiten ditudan bikote harremanak,
hain jartzen diet espektatiba karga haundia ze...

Putero

2009-09-17T00:49:00.001-07:00

"Zer dago Mendebaldeko gizon gazte baten buruan
lotsa gabe kalearen erdian
eskubiderik gabe bizi den
eta hirugarren kategoriako hiritartzat hartzen den
emakume batekin larrua jotzen
diharduen bitartean?"

SOS Arrazakeriak.eko June Fernandez.ek idatzen du DEIAn,
EL PAIS.ek Bart.ze.lo.ona.ko sexu argazki gordinen kontura.

Emakume "batekin" larrua jotzea kategoria da.
Larruen arteko energia dantza, gozamen eta olgeta, jolasa.

Beste hau,
prostituten %90 etorkinak direnean, dirua eta beharra tarte,
emakume "bati" larrua jotzea da.

Laos.en Amuma Patruzi Lastarriko

2009-08-19T06:36:00.000-07:00

Ez daukat memoria onik.
Ezin izango dut inoiz intelektual bat izan.
Datuek hegan egiten didate eta mutu uzten.

Bizipenak ditut.

Laos aldean bizi izan dut
-zein zabala den nire Euskal Herria-
gaur eguneko egunerokoan
Ibarrangeluko Lastarritxun orain urteak ez ezen mendeak ere
Amuma Angeles.en Amuma Patruzi.k ezen, berorren Amumak berak be
egunerokoan bizi zuena.

Jakin badakidala iruditzen zait:
harrikoa, harrizko fregadera bera baino lehen,
egurraren mundu zabala,
basotik sutara zein tresna ta altzairutara,
-freskera denetan lehena-
ormarik ez, dana bat,
seme-alaben ardura,
linua eta pattarra.

Etartea ez ezen,
behea be oso osorik libre
ta animaliak bertan,
ta bizitza bertan.
Errekak beti egin duelako tarteka gora, kondixu.

Ta beheko sua... goian be igual.

Ta izan daiteke oker egotea baina berdin dio.

Holantxik bizi dira gaur egun Laos.en
eta ez dut memoriarik behar,
bertan murgildu baino.

Larruak kontatzen dit beste guztia.

Attends. Udak berea egin du.

2009-07-14T00:02:00.000-07:00

Sir Edward.ek
Paris.en
Attends jotzen zuen
Quai.ko museo atean.

Etzan egin nintzen,
jan egin zenuen bitartean.
Ez dut pasioa ez beste jakirik nahi.
Abentura honetan hilko banaiz ere
udarak sua du muin
haragizko etxe honetan
lur ta loi
harro, samur.

Bihotza ez ezen gorputz osoa ere
bijjortu dut. Attends.
Udak berea egin du.

M eta A, AMA

2009-06-29T22:32:00.000-07:00

Pentsa.senti.desira
-gailuaren
nahi.tasun arinak
eta
ari.meheak
arilkatutako
maite.uneak,
berdin
gatzatu
ez.

AMAren
izateak
bai gatzatu,
ta sendo.
Sustraitu.

Erru eta erro.
Harro.
Arian.

Jabetasun Gaia

2009-05-11T04:06:00.000-07:00

Egipton,
piramide aurrean
meditatzen,
alabastrozko
gari biltegian
zutik,
irmo eta tinko,
ozenki
esan genuen:
"ahalmena
eskuratzen dugu,
oroitzen gara,
izan baga."

Dagokigun
hurrengo
hurrats
naturala,
Gaia
Ama Lurrari
jabetasuna
ematea,
esku ahaldunok,
non nahikoak izanda ere.

DesARMEaren aldeko KORRIKA mundiala

2009-01-13T06:53:00.000-08:00

Kanalizatzen zuen hizlari bati, duela pare bat urte, zuzendu nion Iruñako Jerusalem.eko bidelagunaren enkarguz galdera: zein izango litzateke planeta mailan bakearen aldeko mobilizazio orokor eta eraginkor bat egiteko unerik aproposena?
Segundotxo bat hartu eta, erantzuna telepatiaz jasotzen arituko balitz bezala, holaxe erantzun zidan: Ameriketako Estatu Batuetan hurrengo atentatu gogorra gertatzen denean.

Obamak beste Irailak 11 bati aurre egin beharko diola uste, Bush igarleak dixit.
Eta... berak zelan daki ba? galdetuko zukeen gure amuma zenak. Ez dakit ba nik ba. Beretarren batek auto.erasoaren asmoa dabilelako...? Merezi dutela pentsatzen duelako...? Baten batek bere hasarre bizia kontrolatu ezin izatea naturala litzateelako...? Segurtasunaren industriak merkaturatuko duen produktu berriren baten salmenta aurrekanpaina egiten ari delako...?

Eskutik helduta munduari buelta osoa ematea da gure lagun peregrina bakezale honen proposamena. Desarmearen aldeko KORRIKA mundiala, -naparra baita...!

Herriko seme batek, herriko seme bat hil du.

2008-12-04T03:33:00.000-08:00

Neguko hotzetan blai,
Mikel Laboaren heriotzak
eragindako herri muina
osatzeko bidean
sutondoko epeletan
lehiotik begira
asaba zaharren baratzean
ikusten dudan txantxangorria
bera ote den nagoela,
hil eta biziaren zikloaren
jin-joanean berezkoa ez den
heriotza berri bat, erahilketa.

Herriko seme batek, herriko seme bat hil du.
Eta ni ama... joko neuke jo...!
Ez da hori, ordea, amaren bidea,
alde bada orduan hemendik,
ez holakorik amaren etxean.

Habiadura handiko trena egiten ari zela ta...
Ta hil?!

Juez bihurtuta,
heriotz zigorra modu horretan?!

Heriotza eragiteak karga handia dakar,
norbere etxearen biziaren kontrakoa,
norbere eskuak tiro egitean
norbere larrutik ordainduko duen
bihotzean eta tripetan
sinatutako kontratu bortitza.
Latza. Gogorra.
Ez diot enbidirik.
Non bukatuko dira hire etsaiak?

Zelan hazi ditugu bada umeok?!

Beti biziari eusten,
horrenbeste ahalegin
eta alperrik?

Etxeko mahaiaren gozoa,
gutxi ala asko
denon barruak berotzeko
lanetan uneoro,
eta ahaztu, hain arin?!

Mahaiaren aldeko apustua,
apustu beroa,
muturreko pentsatu arren
har-eman.ean hasi
ez.da.bai.da.rako elkartu
eta sakoneko biguneraino
heltzen dakiena,
nunbaitera bidean
beste niz inguratuta
bizi garenekoa.

Ez apustu hotza,
hauzi edo apurtu
hil hotzarena,
nor gehiagoka
heldu gabeko
garrastasun patriarkalez
josita
guztiok mutu uzten gaituena.
Denok denon etsai egiten gaituena.

Ez amaren etxean.

Tibet..eko intxaurrak

2008-10-08T14:12:00.000-07:00

Tibet.era joan zaigu idazlea,
Korta-Zahar.en hurratsei jarraiki,
korta zaharreko lanen ihesi.

Tibeten dana da hobea.
Independentzia aldarrikagarriagoa.
Manifestariak meditatzaileagoak.
Haurrak adoptagarriagoak.
Gaixoak coolagoak.

Ai, Tibet, Tibet...
Tibet.eko intxaurrak hamalau;
gerturatu eta lau.
Baina, hala ere,
zenbat eta hurrunau errezau.

NoRa zoazen aRabeRan...

2008-09-24T15:29:00.000-07:00

NoRa zoazen aRabeRan lagunRarri,
Nor heRa da egi bakarRa

Nora zoazen araberan lagungarri,
nor bera da egi bakarra.

Ashtar komandoaren mezu batean aurkitu dut.
A ze sorpresa, euskaraz federazio intergalaktikoan.

Hasi.eran bi ginen eta...
denborarik han ez zen.
Orain bakarra naiz,
eta izena aldatu egin diot:
ez dut gehiago BABYLON ERAUSTEN idatziko.
Orain BABY LO ON ERA UZTEN idatziko dut.

Norbera da egi bakarra. Ez ala?!

Etx.alar.aldean -Leirek

2008-08-11T16:55:00.000-07:00

Arrats.aldea
Etx.alar
aldean

Niretzat
mendi guztiak dira Mendaur.

Arrano zara.

Itzalak gorde du
arbola multzoa.

Ta...
han urrun...
nola erran...
arranoak
eraman egin du
nire gogoa
ta han pausatu du
haizearen
eremuan
ni re gogoa
ta ez nator
betiko noa.

14 izpi.ariketa Herri ESTRESari aurre egiteko

2008-07-25T00:04:00.000-07:00

2008 UEU

1
Gorroto dut
orru
erru
harro, putz.
Aro
samin
ero
zer gero.
Bortitz
haitzaren kontra.
Haurrak erre ditu eguzki goriak.
Azal lehun zirenak txurruskatu ditu kresalak.

Ezin zeharkatu ta
negarrez zoratu behar du amak
zein amak?
bederatzi ume tragatu ditu itsasoak
amak banan-banan botata
kapitalaren bazka
gosearen akuiluak bortxatuta,
ongizatearen ateko putetxean
ta gu borrero manporrero
isil-isilik, ez nire izenean. Lotsa.

2
ON naia,
Naraia naia.

3
Egurra jasotzen dugu.
Herriak ez du hitza.

4
Kontziente eta inkontzientearen
orekaren bila,
eseri egin gara.
Guztien arteko
sinkronizazio batean
gure barrutik, hodi zuzen eta potente batetik bezala,
aireak gora egin du
eta hegaka atera.
Gero
euri lanbro moduan
erori zen
gure gainean alaitasuna,
pakea eta lasaitasuna ekarriz.
Oihartzunak
askatasun sentimenduarekin
erantzun zion
botatako
oihu
handiari.

5
Zein da
bizitzaren helburua?
Une oro ZERtzea,
JABEtzea.

6
Iraganaz damutu
etorkizunaren beldur.

Emakumeak
eme.galtzen dituen trafikoa
telebista espaiñoleko bigarrenean.

7
Beltza zen gaua.

Beltz eta iluna zen gaua, herritik joan zen gau hura.
Beltza zen joan zena.

Beltz eta iluna izaten jarraitzen zen gaua txalupan igo zenean.
Beltza zen bidean hil zen haurra
eta itsaso sakon-beltzeraino jeitsi zen gorpua.

Beltz eta iluna zen gaua hondartzara iritsi zirenean
eta hango gizonak gorriak.

Beltza ere erabilitako tinta informazioa zabaltzeko
eta papera zuria.

Eta emakumearen begi beltzetan dago betiko infernuaren islada.

Ixabel Millet

8
Lasai.tzeko 3 osagaiak:
1. Jarrera: atseginaren eta ahaleginaren arteko oreka gunea.
2. Arnasa: sakon hartu ta astiro bota: zabaldu barrua.
3. Arreta: bekain tarteko hortz.mugan pausatuta, begirada.

9

10
Izpi marrazkiak.

Adarrak zerurantz
Erroak lurrerantz
Eta gu,
gizakitxo berdeok,
tartean hegaka.

Udara beroa
Erreka ondoan ze ondo!
Fresko, fresko!

Mundua arbola kopan mozkortua.

Loreek alaitzen gaituzte.

Sasi guztien gainetik,
laino guztien azpitik.

Bizitza – Yin-yang – Alaia baina aldi berean kezkatuta.

Erreka ondoko zuhaitzen artetik ibiltaria doa ttipa-ttapa.
Naturaz inguratua gizakia ameslari.
Goiko mendian txoria kantari.

Oreka
Koloreen kontrastea

Arbola da erreka.
Hostoak dira hodeiak.
Eguzkia da laztana.

14
Herri estresari aurre egiteko.
Yoga eta Herrigintza (3)

Hamalau izpi.ariketa. Izan zitezkeen hamabost edo hamabi, baina hamalau kabitzen dira. Oteitzaren apostoluak bezala, bere mendeurren honetan. Altzutzan bertan, etxeko egongelan egin genituen asanak iaz. Burua altxatuko balu... akaso makila astinduko zigun begiak itxita geundela, baina tinko eutsi guk.
Ez gaitu izutzen negu hurbilak. Ez nau izutzen ihes bidea omen, zitekeen, lekarkeenaren, balitz horrek. Norbere baitan murgiltzeko bidean errurik ez, sakon; errai gordin eta pentsamendu zurrunetan errurik ez, fin; esku ahul eta gorputz nekatuetan errurik ez; bizipenen ziabogarako prest.
Astelehenetik ostiralera. UEUko Iruñean. Bost gosaldu ostean, bost; bost hamaiketako ostean eta beste lau bazkal ostean, ostiralekoan jai. Yoga bazkal ostean...?
Tripa beteta egiten al duzu zuk Yoga? Ez ba! Eta zuk amorea? Bazkal ostean ez, ala ezta?
Yoga.bik esan nahiko duzu... gorputza gimnasia leun batean mugitzearena.
Ona da. Bestea esan nahi nuen nik ba... Une oro egiten dugun Yoga, euskaraz Jabe itzultzen dudana, kontzientziarena. Gorputzarena ataria dena. Hala da, eta animo! barrura pasa, kroketekin bezala, masa hutsa jateko ordez, segi burutzeraino, aurrera.
Aurten UEUko hamargarren Yogaldia, baina ez Heineken-ek babestua. Gora UEUren izen soila, herri ekimena, eta hala bedi urte askotan, lotsagarri eta gusturik gabe agertzen zaizkigun frankizia eta esponsorizatuen aldean.
Eskolako hurrengo txangoan seme gazteenari bokatan Guggenheim solomoa jarriko diot, Sukarrietako San Antonio hondartzan gozo-gozo jan dezan. Ordurako auskalo noren propietateetan, BBK zein Diputazio, dirua jainko den antzez tokian. Pobreak, benetan be, ete diren ba pobreak!. Ikusiko dugu, laster, zer zen dirua. Ezer ez, ameskeri hutsa. Ez gordinik ez kondimentatuta jaterik ez dagoen paper tindatu dena. Horrenbeste pinu eta gero hau. Elikagai eta erregai, finantza birtuala. Paperik ere ez jada.
Horrenbeste izerdi paperetarako sabeletan, jan eta lo, behi zuriaren tripan, eta gero hau. Sabelerako lantegietan. Hobe jan gabe bizitzen ikasi, eguzki plakak
begietan, eta aske, norberaren gogoak armatutako bide eta agendan.
Ziaboga.
Hementxe gure proposamena. Jabe izateko bidean... herri izpi.ariketak. Yoga eta jabe izateko ariketa konpartituak. Lagun artean auzorik auzo egin egingo ditugunak, ala hil. Bakardadeak hartuko gaitu, hartzen ari gaitu, zahar etxe, esp.etxe,
bikot.etxe, bank.etxe, put.etxe.
Eroski.k badaki, banan banako pusketak. Lekeitioko portuan Teatro do Marek erakutsi zigun kale antzerkitan burbuila bakanak bata bestearen artean. Ahul banan, energia maitasunean sortzen baita, elkarren arteko joan etorrian, pilaren polo batetik besterakoan. Erdu, batera zein bestera baina erdu, errima.
Ez al duzu sentitzen isolamenduaren zulora goazela, tragatzen gaituzten butaka erosoetan barrena, laban, pasibotasunaren maldan behera?
“Etsipenak jota ezin du herriak gelditu,
nola edo hala barruak askatu behar ditu.”

Arteak ez du gizartea aldatzen, Jorge Oteitzak, arteak, aldatzekotan
artista, arte.egilea aldatzen du, eta berau da, aldatutakoan, gizartea aldatzeko gai izango dena. Artean ba, ekin diezaiogun arteari.
“Denbora urrea da”, kaka! Denbora artea da, tartea. Bitartea, heldu eskutik. Prozesua interesatzen zait, Itakak oparitutako bidaia. Eta Itaka bera, beste nonbaiterako abiapuntu berria eta berriz ere bide, bidaia.
Pasibotasun politikoki egokia. Lotsa. Ea.ko poesia egunetako Koldo Izagirre.ren hitzaldi galdera.ekarpenik gabekoa. Lotsagarria. Lotsaren lotsaz, jasoaren jasoaz ala alperraren alperraz, ez har eta ez eman uzten gaituena. Mutuen kanposantua.
Afinatu beharraren afinatu beharraz, isilik geldituko den musikaria, herria. Eulia sartzen baita irekitzen den ahoan. Sarerik ez. Norberak jarritako bozala. Zentsurarik ez. Gogoari aurrea hartu dion zentzua eta logika. Adituen unea. Inorena. Ekarpen xumea mesprezatzen dena. Barregarri, jokoz kanpo gelditzea diruagatik bakarrik justifikatzen dena.
Eta gordetzearen kostua? Doanekoa al da... Jazo eta jasotakoari erantzun beharrak tripan piztutako tximeleta deserosoak ahanzteko erabilitako porlana eta amnesiaren ordaina, merkea ez dena.
Har.emana. Zuk hartu eta nik hartu, elkar hartuz aberastearena. Eta sakon hartu be. Banan, biluztuta, beste ni.a. Artaldean norberarentzako tartea hartu eta norbere buruaren jabe eginda.

Ziaboga.
Norbere buruaren esparru konkistatu berri bakar eta isiletik, lagun artera, gu puzzlearen beste aleekin osatzera. Aurrera segitzeko, etengabeko une oro honi aurpegi emateko ziaboga. Patroirik gabeko herri trainerua. “Inon ez inor menpekorikan, norberen buruaren jabe”, haizea aurpegian, arrauna esku ahaldunetan, norbere buruen patroi eta matroi garen herritarroz betetako trainerua.
2012 arteko hurrengo txanpa honetan jokatzeko proposamen hirukoitza:
1)Oteitzaren izpi.ariketa: jaso/hitz(b)oro.bil-hausnartu/sortu jokoa.
2)Yoga saioa: gorputz.gogoari astindu goxoa emateko arnasketa-asana-lasaiketa.
3)Berrikuntzen 2008 grazizko urte honetan, Arizonatik datorkigun norbere garapenerako ingeniaritza aplikatua: Erresonantzi Ereduen Aldaketa.
Gerora ere edozein lan talde, eskola, herri zein auzotan zabaltzeko moduko trebakuntza, dinamika: herri estresari herrikoi aurre egiteko proposamena.

1. Izpi.arik.eta. Oteitza.
Jaso - Hausnartu - Sortu.
2. Yoga saioa.
3. Erresonantzi aldaketa

Euskal Herri - Elkar Herri

2008-05-21T21:23:00.000-07:00

Zuberoako
Kako
baserri-etxaldea
erosteko
Kako-kuadrilla bat
ari gara egiten.
Guk geuk,
eskotean 50na euro.
Pozik!

Kako-kuadrillak,
lapur-kuadrilla emoten dau, ezta?
Ez ba!
Ta guri gusta!

Edozein aitzaki
aprobetxatzen dugu
elkarri maitasuna adierazteko
Zer bizio...! 50 eurotan.

Euskal Herri - Elkar Herri

Tripetako iraultza gordina

2008-03-07T14:03:00.000-08:00

hamaikatxu aldiz esandako hitzak
oineztu egiten du gaua
ixileko izkutuan odol gorriak
tripetako iraultza gordiña

ezkutuko hitza aldarrikatzean ezin dut
ez dudala sufritzen adierazi;
sugearen indarra baimenduko nuke
nire magalean samindurak erreko ez balit

Erautsi ta, ez al genuen ba eraiki behar?

2008-03-01T08:44:00.000-08:00

Hik bultza gogor hortikan,
ta bultza nik hemendikan,
ala bakarka al da oraingoan?

Zaindu maite duzun hori, dio kantak.
Lagunak zainduz eraiki dugu eraikitakoa.
Lagunek lagunak.

Maitatuak egiten du,
edozein zoko-ondo biztu.

Ederra da Paris,
argiaren pare,iz.
Erreka zuloan
lamiak diz-diz.

Freebatasuna

2007-10-05T15:42:00.000-07:00

Gaurko egun batez hitz bakarra darabilt: freebatasuna.

Lehenengo Batasunakoak eraman zituzten...
baina ni ez nintzen Batasunakoa.
Gero Lehendakaria eraman zuten baina ni ez nintzen PNVkoa.
Orain nire bila datoz eta ez da inor gelditzen jada.
Freebatasuna.

Sachsenhausen

2007-08-16T07:31:00.000-07:00

Hor zagoz, arbolapean?
Pasa da. Joan dira ta ez dira etorriko,
ez zaitu inongo heriotzik harrapatuko.
Bizi zara, ta ez zaitu inork erahilgo.
Segi aurrera.

Zuen bizitzetatik ohostutako hazia landatuko dut.

Zuek sortu zineten enbor beretik...

Ez dago damutzeko betarik.
Borreroaren ordua ailegatu eta galderak erantzunik gabe gelditu ziren.

Gogoan zaituztegu
eta gogoan,
eutsi gogoan gogo.

Gogoak erreka gainezka egiten dueneko unea gogoratzen dit.

Goseak egin du gainezka gurean,
India gurean egin du goseak.

Margauko bus geltokian izan nuen hautemate esperientzia sakonago baten berri eman nahi dut baina ez dakit nola.

Lauburua erein dut Sachsenhausen.eko arbola zaharraren erro artean.
Lauburu eme gozoa.
Svastika zorrotz erahiltzailearen ama, ama zaharra.
Ama, nolatan heldu zaizu (giza)semea gogo ustel erdoil gordin hortara?
Non da erraietako gozoa?

Erdu altzora,
besotan eramango zaituztegu ibaiaren ertze xamurrera,
bidaiaren jarraitzeko
pausatzen diren erromesen antzera.

Erdu gure altzo beroetara,
pausatuan asetu,
askatuan gozatu
gogoa.

Barne hesiak eraldatzen artean

2007-08-14T03:51:00.000-07:00

"El arte no cambia el mundo, no cambia la realidad. Lo que verdaderamente transforma el artista es a si mismo. Y es este hombre [mujer] transformado por el arte el que puede, desde la vida, tratar de transformar la realidad".

Jorge Oteitza

Nire itzal-argi dikotomian barnea eraldatzea du xede arteak.

Berlineko Sachsenhausen kontzentrazio hes.barruan sartu ta zer?
Zer aldatuko dugu artean?

Ene kontzentrazio zelai partikularra aldatzea posible ote?

Erraietan eme kontzentratuko naiz.

Biolentziaren graduaketan nork ezartzen ditu mailak?

Erritmoak, argi.izpi, kandela, zeru,
itzal, gorde, leinu, ama, zen. Ama!

Egun, kontzentrazio zelaiak parke tematiko bihurtu dira. Azken finean mundua parke tematiko bihurtu da gu bezalako turistontzat. Etorkinek, ordea, ez dute sarrera erosteko aukerarik.

Etor.kin izan nahi dut, ez ekar.kin.
Ez naiz turist, erromes baizik.
Jabe, herri, busti, herri, jai. Nahi.

Su-dantza

2007-08-12T02:54:00.000-07:00

Oteitza.ren izpi.ariketa erara,
"Recuerde el alma dormida..." Jorge Manrique

"Denbora fugit" gure eskuetan

gure esku hutsetan
(h)ustasun honetan nahi nizuke

non hobeto hemen baino? euripeko Casablancan

Niebuhrstraße eta Schluterstraße kale kantoi,
honetan elkar ezagutu

Niebuhr eta Schlüter,
Hasier eta Leire,

euri ttanttek ez dute
Hasier eta Leire epaitzen

trumoiak jotzen ditu
bihotzean jo
ta eri
maiterritik atzerri

zurea den ene bihotzean
ez dago aberririk ez atzerririk

zure sustraiak behar ditut
nire erraietan
erro.